Bɔ-Koe-Iyipiti 12:41 - ALLALA KUMƐ

⁴¹ A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 12:41 Iomraidhean Croise

Ko-Dabirɛnu 50:24

Yusufu ya a fɔ a na-kelen-nyɔgɛnu ye ko, “Nde fagamatoe le kɛ la. Alla si wo kandan yati, ka wo bɔ yan ka ta wo la lanyiri-nyamanɛ rɔ iko a ya lanyiri kiri ma benba-benbɛ Iburayima anubɛ ma benba Isiyaka anubɛ ma fa Yakoba ye minna ko la.

1 Mansɛnu 6:1

San kɛmɛ nani san bi-segin (480) ara tenbi kebi Isirɛla mɔgɛnu bɔra Iyipiti. A san kɛmɛ nani, san bi-segin nyɔgɛ wo karɛ fila nyɔgɛ ma, Mansa Silamɛni ya Bato-Bɔn sɔɛ dabira. Wo ya a taran, Silamɛnina mansayɛ ara san nani bɔ Isirɛla nyamanɛ kun na.

2 Ko-Kɔrɔta-Karan 14:12

Mansa Esa anubɛ ala kɛlɛ-dannu ya kɛlɛ dabira wati min, Mari ya Sudan kɛnuna kɛlɛ-dannu nɔ anu ye. Anu ya anu buri anu kɔrɔ.

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 114:1

Isirɛla mɔgɛnu wuli bɔla Iyipiti, ado nyamani-gbɛrɛ wo bolokɛ ale Yakoba kegeyɛnu bolo,

Yaburi 136:11

A ya ata Isirɛla mɔgɛnu nabɔ Iyipiti nyamanɛ rɔ. Ala keninteyɛ dan sa.

Bɔ-Koe-Iyipiti 12:17

“Wo ni Biredi-Yɛlɛbɛlɛ wo Dɔn-Ladɛn kɛ bawo n bi wo bɔnsɔnnu nabɔla Iyipiti nyamanɛ rɔ tele wo nyɛrɛ le ma. Woletɔ san-bo-san, wo kebilɛnu anubɛ wo kegeyɛnu si tele wo bira ka a ma tele-sɛnimɛ la.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:16

Musa ya a fɔ anu ye tun ko, “Kunkɛ kɛ ni ma wo hɛnkili-bila-fan la. A ni ma iko hɛnkili-bila-fan min bi mɔgɛ bole anubɛ a telɛ ma. Mari si na wo labɔ Iyipiti nyamanɛ rɔ ata sɛnbɛ la tele min tɔ, wo si wo dɛnbɛ ka wo hɛnkili bila wo tele ko.”

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Bɔ-Koe-Iyipiti 3:10

Woletɔ n bi i latala mansɛ wo ma ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ.”

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 6:26

Mari kumara Aruna anubɛ Musa ye ka a fɔ anu ye ko anu ni Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Bɔ-Koe-Iyipiti 7:4

Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Yilan-Yilan Koe 23:22

Alla nara anu denu na ka bɔ Iyipiti. A ye kɛlɛ kɛla anu ye iko sigi-dalamɛ.

Yilan-Yilan Koe 33:1

Musa anubɛ Aruna ya Isirɛla mɔgɛnu nabɔ yɔɔnyɛ rɔ Iyipiti tumɛ min, anu tagamanta ka le.

Yɔni 7:8

Wo ta ladiyɛ kɛ rɔ. Nde sa tala ladiyɛ kɛ rɔ bawo nta wati ma ke wɛ.”

Kɛwɔlɛnu 1:7

Yisa ya a fɔ anu ye ko, “Wati wonubɛ anu kɛ-tumɛ, n Fa Alla ara wonu natɛgɛ a nyɛrɛta sɛnbɛ la. Alla sa a fɛ, wo ni wonu kɛ-tumɛ lɔn.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Tɔn-Fɔɛ-Fila-Nyɔgɛ 16:1

Musa ya Mari kuman-kan latenbi Isirɛla mɔgɛnu ma ko, “Wo dama si Kanan-Ko-Ladiyɛ kɛ Abibu karɛ ma. Mari ya wo labɔ yɔɔnyɛ rɔ Iyipiti nyamanɛ rɔ suyi rɔ karɛ wo le la. Wo ni kɛ ma ka wota Mari Alla gbiliya.

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Yasowa 24:5

“Wo kɔma, a ya Musa anubɛ Aruna lata Yakobanu ma. A ya tɔrɔya-belebele-wɛ lana Iyipiti mɔgɛnu kuma kɔnɔ a ya wole labɔ nyamanɛ wo rɔ.

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”