Bɔ-Koe-Iyipiti 12:2 - ALLALA KUMƐ

² “Ka a dabira bi ma, karɛ kɛ si ma wola san karɛ fɔlɛ la.

Bɔ-Koe-Iyipiti 12:2 Iomraidhean Croise

Ɛsita 3:7

Ale Mansa Sakasi kɛla mansayɛ san tan-ni-fila nyɔgɛ, a karɛ fɔlɛ ma min tɔgɛ Nisan, Heman ya korɔn lakɛ wati wo le ma. A ya wo ma alako a ni Yahudiya kɛnu nato-tele anubɛ a karɛ lɔn. San wo, a karɛ tan-ni-fila nyɔgɛ ma min tɔgɛ Adari, korɔn diyara wo tele tan-ni-sawa nyɔgɛ le ma.

Bɔ-Koe-Iyipiti 12:1

Mari ya a fɔ Musa anubɛ Aruna ye Iyipiti nyamanɛ rɔ ko,

Bɔ-Koe-Iyipiti 12:18

Karɛ fɔlɛ kɛ, tele tan-ni-nanɛ wurɛ la, wo si to biredi-yɛlɛbɛlɛ dɔnna ha a tele mogan-ni-kelan wurɛ la.

Bɔ-Koe-Iyipiti 12:3

Wo ni a fɔ Isirɛla mɔgɛ bɛɛ ye ko karɛ kɛ tele tan ma, denbaya-tigi bɛɛsi ni saga-dan, ni wo ma, baa-dan bira anu nyɛrɛ ye iko anuna kebilɛ kolo nya min. Denbaya-tigi kelen-kelan bɛɛsi ni kolo-fen kelen-kelen bi.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 13:4

Ma ara bɔ Iyipiti nyamanɛ rɔ Abibu karɛ kɛ le la.

Bɔ-Koe-Iyipiti 23:15

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ wo wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la. “Wo ni Dɔn-Fen-Kun-Fɔlɛ-Ladɛn fanan kɛ, sɛnita-fen fɔlɔtɛ tɛgɛ-wati. Wo wa ban wola ki-fannu kerila wati min, wo ni Lele-Sɔɛ-Ladɛn kɛ. “Mɔgɔ-wo-mɔgɔ bolo lakolɔn kana na ladɛn kɛnu kuma.

Bɔ-Koe-Iyipiti 34:18

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ a wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la.

Bɔ-Koe-Iyipiti 40:17

Anuna bɔɛ Iyipiti wo san filɛ karɛ fɔlɛ tele fɔlɛ ma, anu ya Marita Fani-Bɔn mumɛ bɛɛsi sɔ.

Isikiyɛli 45:18

Ma Tigi Mari ko, “San-karɛ-kurɛ, a tele fɔlɛ ma, wo ni tura kelen bɔ, fɛɛ sa min na ka wo ma Bato-Bɔn sɛninya-fan la.

Isikiyɛli 45:21

“Karɛ fɔlɛ, a tele tan-ni-nanɛ ma, wo si Lakanan-Koe Ladiyɛ fɔlɔ wulɔn. Tele wɔrɔnfila dɛgɛdɛgɛ, bɛɛ ye biredi-yɛlɛbɛlɛ dɔnna.

Saraka-Masɔlɛnuta Tɔnnu 23:5

Kanan-Ko-Ladiyɛ kɛ da si bira mata san karɛ fɔlɛ, tele tan-ni-nanɛ, fitiri magben ma. Wati wo nyɛrɛ si ma Mari gbiliya wati la.

Yilan-Yilan Koe 28:16

“San-bo-san, a karɛ fɔlɔtɛ tele tan-ni-nanɛ ma, wo si Kanan-Ko-Ladiyɛ kɛ Mari ye.

Tɔn-Fɔɛ-Fila-Nyɔgɛ 16:1

Musa ya Mari kuman-kan latenbi Isirɛla mɔgɛnu ma ko, “Wo dama si Kanan-Ko-Ladiyɛ kɛ Abibu karɛ ma. Mari ya wo labɔ yɔɔnyɛ rɔ Iyipiti nyamanɛ rɔ suyi rɔ karɛ wo le la. Wo ni kɛ ma ka wota Mari Alla gbiliya.