Bɔ-Koe-Iyipiti 12:16 - ALLALA KUMƐ

¹⁶ A tele fɔlɔtɛ anubɛ a tele wɔrɔnfila nyɔgɛ ma, wo ni ladɛn kɛ ka nde, Mari bato. Wo kana wɔli mumɛ kɛ tele wonu ma fɔ dɔn-fen rabɛn-ko-wɔlɛnu, wo si wo le dɔrɔn ma.

Bɔ-Koe-Iyipiti 12:16 Iomraidhean Croise

Bɔ-Koe-Iyipiti 16:23

Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

Bɔ-Koe-Iyipiti 16:29

Wo ni wo hɛnkili to kɛ ko, ko nde, Mari le ya Sulen-Tele kɛ di wo ma serr! Woletɔ n bi tele fila dɔn-fan dila wo ma a tele wɔrɔ nyɔgɛ ma. Mɔgɔ-wo-mɔgɔ kana a maga a tele wɔrɔnfila nyɔgɛ ma. Bɛɛ ni to a warɛ.”

Bɔ-Koe-Iyipiti 16:5

Lɔgɔkun-wo-lɔgɔkun a tele wɔrɛ ma, anu ni tele fila dɔn-fan makɔ.”

Bɔ-Koe-Iyipiti 20:10

kɔnɔ a tele wɔrɔnfila nyɔgɛ si ma Sulen-Tele la nde, Mari Alla ye. Wo kana wɔli-wo-wɔli kɛ wulɔn tele ma. Wola dannu wo, wola yɔɔnnu wo, wola kolo-fannu wo, anubɛ wola sundannu, wonu fenfen kana wɔli kɛ.

Bɔ-Koe-Iyipiti 34:18

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ a wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la.

Aiseya 1:13

Wola kɔ-fen di-bole kɛ ti ko-wo-ko nyinya wo ma. Wo ye isɛnti min mintanna, a ko wo sumɛ ma di a ye tun hali! Wola Karɛ-Kura-Ladiyɛnu wo, wola Sulen-Tele-Ladiyɛnu wo, anubɛ wola ladiya-gbɛrɛkɛnu wo, a ko wo bɛɛ sɔgɛ la ara bɔ a la bawo wo ara wo hakɛ basan wonu na.

Saraka-Masɔlɛnuta Tɔnnu 23:21

Tele wo nyɛrɛ rɔ, ma kana wɔlɛ mumɛ kɛ kɔnɔ ma ni ma ladɛn ka Mari bato wulɔn. Mari ko ladɛn-kɛ-tɔn siginɛ ma kuma ma tara kan-bo-kan ka a dabira bi ma ha wo tumɛ min di ale Mari ye. Ma kana a boloka.

Saraka-Masɔlɛnuta Tɔnnu 23:35

Ma kana wɔli-wo-wɔli kɛ a tele fɔlɔtɛ ma fɔ ka ma ladɛn wulɔn ka Mari bato.

Yilan-Yilan Koe 28:18

Tele wɔrɔnfilɛ wo, a tele karɛ fɔlɔt ma, wo si Marita ladɛn kɛ. Wo kana wɔli-wo-wɔli kɛ wo tele rɔ wo nyɛrɛ ye iko wo duruta a kɛla nya min.

Yilan-Yilan Koe 28:25

Wo si kundɛn tele wɔrɔnfilɛ ladɛn rɔ. A tele wɔrɔnfilɛ ma, wo si Mari bato.

Yilan-Yilan Koe 28:26

“Wo wa Dɔn-Fen-Kurɛ-Ladɛn tɛgɛ kɛ, wo si wola dɔn-fen-kun-fɔlɛnu ma kɔ-fan la Mari ye. Wo ni wo fara wo nyɛrɛta wɔlɛ la ka Mari bato wo tele nyɛrɛ rɔ.

Yilan-Yilan Koe 29:1

“San-bo-san, a karɛ wɔrɔnfilɛ tele fɔlɛ ma, wo si wola wɔlɛnu boloka ka wo ladɛn wo nyɔgɔn fɛ ka Mari bato. Tele wo nyɛrɛ rɔ, saraka-masɔlɛ si buri fɛ.

Yilan-Yilan Koe 29:12

“Ka a fɔlɔ karɛ wɔrɔnfilɛ kɛ tele tan-ni-loli ma ha ka a sigi a tele mogan-ni-fila nyɔgɛ ma, wo kana wɔlɛ mumɛ kɛ. Wo si wo ladɛn ka Mari bato lɔgɔkun kelan wo kɔrɔ.

Yɔni 19:31

Nba, Yahudiyanu ya Pailɛti madiya ko anu ni mɔgɛ wonu gbɛlannu takeri ka anu furinu nayigi kɔlɔmanu ma. Anu ya wo fɔ bawo Nyima le nun. Nba, anu sa a fɛ, furinu ni to kɔlɔma ma Sulen-Tele ma. Anuna Sulen-Tele-kolomɛ le wo la anu bolo.

Tɔn-Fɔɛ-Fila-Nyɔgɛ 16:8

Wo si to biredi-yɛlɛbɛlɛ wo dɔnna tele wɔrɔ kɔrɔ. A tele wɔrɔnfila nyɔgɛ wo ma, wo si wola wɔlɛnu boloka ka wo kundɛn Mari Alla bato tinɛ.”