Bɔ-Koe-Iyipiti 12:12 - ALLALA KUMƐ

¹² Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki.

Bɔ-Koe-Iyipiti 12:12 Iomraidhean Croise

1 Ko-Kɔrɔta-Karan 14:12

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Kɔnɔ Mansa Dawuda ya a fɔ ala kɛlɛ-dannu ye ko anu ni bɛsɛ wonu mintan.

Yaburi 135:8

A ya den fɔlɔtɛ bɛɛ faga Iyipiti nyamanɛ rɔ, a mɔgɔni-gbu wo, a sogo wo, a keimɛnu, kɔni.

Yaburi 82:1

Alla mayiginɛ ala mansaya-waganɛ rɔ melika bɛɛ kun na. A tenbi nyɔ, a ye koe bɛɛ latɛgɛla Arinyɛnɛ-sɛnbɛ-bɛɛ-tiginu kun na.

Yaburi 82:6

Ale Alla ko, “Nta dan le wole bɛrɛn na. Nde, Alla Min Bi Fan Bɛɛ Kun Na, nna dan le wo bɛɛ la.

Yaburi 91:7

Mɔgɔ waga yiraka-siyaman si bui i tɔnkɔn rɔ ka faga. Mɔgɔ waga tan yiraka-siyaman si faga ila foolɛ rɔ kɔnɔ ko-wo-ko ti ma ile la.

Yaburi 95:3

Mari-makawanɛ le mata Alla la. Ata mansayɛ makawara ka tenbi mɔgɛnu bi minnu kɔla.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Bɔ-Koe-Iyipiti 21:6

A tigi wo si ta a la nde, Mari bato tinɛ ka a tole sɔgɔ bɛn la bonda-dɛ la nyɔ. Min bi tulumɛ rɔ, wo si to wɔlila a tigi ye a siyi-tele-bɛɛ kɔrɔ.

Bɔ-Koe-Iyipiti 22:28

“Wo kana nde, Alla rasɛ anubɛ ka wola kun-tiginu danka.

Bɔ-Koe-Iyipiti 6:2

Alla ya a fɔ Musa ye ko, “Nde le wota Mari la.

Bɔ-Koe-Iyipiti 9:6

Banda kara tumɛ min, Mari ya wo ma iko a ya a fɔ nya min. Iyipiti kɛnuna kolo-fan bɛɛsi fagara kɔnɔ hali Isirɛla mɔgɔ-den-kelenta kolo-fan ma faga.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Yɛrɛmaya 43:12

N si tɛ tugu Iyipiti bɛsi-kɔ-bɔnnu na. Ni Babilɔn mansɛ ma Iyipiti bɛsɛnu mintan, a si ta anu na a bolo. Iko saga-fɛ-biralɛ si karangbɛ tɔnbɔn ala kurɛ ma nya min, Babilɔn mansɛ ye Iyipiti kɛnu matɔnbɔnna wo nya na le ka ta a ye fanka la pon!

Yɛrɛmaya 43:13

Iyipiti mɔgɛnu bi tele kɔla kan min, kuru-lɛsɛnɛ minnu gbili anu ma nyɔ, Babilɔn mansɛ si kuru-lɛsɛnɛ wonu tatii ka anuna kɔ-tinɛ wonu mintan.”

Yɛrɛmaya 46:25

Mari Sɛnbɛ-Bɛɛ-Tigi Isirɛlata Alla ko a sa mɛla tun, a ye tɔrɔyɛ lanala Tibisi kɛnuta bɛsɛ ma min tɔgɛ Amuna. A si Iyipiti kɛnuna mansɛnu anubɛ ala mɔgɛnu anubɛ anuta bɛsɛnu tɔrɔ anu nyɔgɔn fɛ. A ko a si Iyipiti mansɛ wurun anubɛ min bɛɛsi lanɛ ale mansɛ la.

Isikiyɛli 12:16

Kɔnɔ n ti sɔn kɛlɛ anubɛ kɔnkɛ anubɛ kirayɛ ni anu damasi faga. Donu si to anu kɛndɛ la. Wo le si a ma, anu ni a lɔn worɔ anu bara ko-yogoma-sufa minnu ma. Wo kɔma, anu si a fɔ worɔ ko Mari le nde la.”

Emɔsi 5:17

Hali wola ki-fannu-nadɛn-tinɛ, wo si sewa kan min, di-kɛ-kan si to bɔla nyɔ. Wo dama ye mala bawo Mari si na wo tɔrɔ tinɛ. Mari nyɛrɛ-nyɛrɛ le ya wo fɔ.”

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

1 Samuwɛli 5:3

Wo wulun sɔgɔma, so-burɔ-mɔgɛnu nara a taran, anuna bɛsɛ wo ara gbangban a sun ma tɔn-kenkirɛ wo yarɔ. Anu ya anuna bɛsɛ wo lawuli tun ka a sɔ a gbɛ rɔ.