Bɔ-Koe-Iyipiti 11:3 - ALLALA KUMƐ

³ Mari ya a ma, Isirɛla mɔgɛnu diyara Iyipiti kɛnu ye kɔikɔi! Ka tenbi wo la, Musa wara-koe diyara Iyipiti mɔgɔ-banu anubɛ nyɔ-nyamanita-mɔgɛnu ye.

Bɔ-Koe-Iyipiti 11:3 Iomraidhean Croise

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

2 Samuwɛli 7:9

A tara kan-bo-kan, n bi a fɛ, ado a tara kan-tinɛ min bɛɛsi rɔ, n ya a yogenu nɔ a yarɔ. N si a ma, ala mansayɛ mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

Ɛsita 9:4

Ale Mɔdekɛyai, mɔgɔ-ba le ale la mansɛla bolɔn la, ado a sɛnbɛ ma ye tala kofula. A mankan ye tala nyamanɛ wo tonko nanɛ bɛɛ rɔ.

Yaburi 106:46

A ya a ma, anu tɔrɔyalɛ wonu kinikinita anu ma.

Bɔ-Koe-Iyipiti 12:35

Isirɛla mɔgɛnu ya a ma iko Musa ya a fɔ anu ye nya min. Anu tara sɛnɛ anubɛ wodi-gbɛ anubɛ fɛrɛya-bɔɛnu matara Iyipiti kɛnu ma.

Bɔ-Koe-Iyipiti 12:36

Mari ya a ma, Iyipiti mɔgɛnu ya Isirɛla mɔgɛnu gbiliya. Woletɔ Isirɛla mɔgɛnu ya fen minnu matara Iyipiti mɔgɛnu ma, anu ya wonu di anu ma. Anu ya Iyipiti kɛnu bolo-kolonya feufeu!

Bɔ-Koe-Iyipiti 3:21

“N si a ma, wole, nta mɔgɛnu ni gbiliyɛ sɔrɔn Iyipiti kɛnu bolo ka diya anu ye kati! Wo wa wuli bɔla Iyipiti nyamanɛ rɔ tumɛ min, wo bolo-kolɔn ti bɔ nyɔ.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Kɛwɔlɛnu 7:22

A karanta Iyipiti kɛnuna hɛnkili bɛɛ la. A si kuma nya min wo, a si ko ladan nya min wo, a mara mɔgɔ-ba la wo bɛɛ rɔ.

Tɔn-Fɔɛ-Fila-Nyɔgɛ 34:10

Ka a fɔlɔ wo wati ma, nɛbi-gbɛrɛkɛ mumɛ ma taran Isirɛla mɔgɛnu tɛma min si ma iko Nɛbi Musa bawo anubɛ Mari kumara anu nyɔgɔn na iko mɔgɔ si kuma a ta-nyɔgɛ la nya min.

Tɔn-Fɔɛ-Fila-Nyɔgɛ 34:11

Nɛbi mumɛ sa nyɔ min si kabana-koenu nadan iko Nɛbi Musa. Mari Alla ya Musa sɔ ka kabana-ko-siyaman nadan Iyipiti mansɛ anubɛ ata mɔgɔ-banu anubɛ nyamanita-mɔgɛnu yala.

Yasowa 4:14

Wo tele rɔ, Mari ya Yasowa gbiliya Isirɛla mɔgɛ bɛɛsi yala. Wo mara Yasowata gbiliyɛ la a siyi-tele-bɛɛ rɔ iko anu ya Musa gbiliya nya min.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.