Bɔ-Koe-Iyipiti 10:9 - ALLALA KUMƐ

⁹ Musa ya a fɔ ko, “Isirɛla mɔgɛ bɛɛsi le tala, kina wo, denni wo, anubɛ mala kolo-fannu, ma damasi le tala mata Mari Alla bato tinɛ ka ladiyɛ kɛ ale ye.”

Bɔ-Koe-Iyipiti 10:9 Iomraidhean Croise

Bɔ-Koe-Iyipiti 10:10

Ale mansɛ ya a fɔ anu ye ko, “Ni wobɛ wola denbayɛnu kera tala, alamɛ Alla tora wo fɛ kɔnɔ wo ni a lɔn ko nde ti sɔn wola musinu anubɛ wola dannu boloka-koe ma muk! Wo ye yanfanteyɛ min sigila n ma, wo ye gbɛ le tɔ.

Bɔ-Koe-Iyipiti 10:26

Kɔnɔ a gbuyɛ, fɔ malela kolo-fannu ba ta ma fɛ. Hali maleta kolo-fen kelan, ma ti wo to ma kɔma kilɛ la kamasɔrɔn ma si donu bi wonu tɔ ka anu ma sarakɛnu na mata Mari Alla ye. Ma ma a lɔn ni ma si minnu ma sarakɛ la kɛnu tɔ ma Mari ye ha ma ni ke nyɔ tumɛ min.”

Bɔ-Koe-Iyipiti 12:32

Wo ni wola kolo-fannu fanan bi iko wo ara a fɔ nya min. Wo kana nyina ka duwa nde ye.”

Bɔ-Koe-Iyipiti 12:37

Isirɛla mɔgɛ minnu bɔra tagamana Ramɛsisi soe burɔ ka ta ke Sukɔti soe ma, wonu yatɛ bɛnta mɔgɔ waga kɛmɛ wɔrɔ (600,000) ma kɔnɔ anu ma musinu anubɛ dennɛnu dan.

Bɔ-Koe-Iyipiti 12:38

Sibolo-gbɛrɛkɛ-mɔgɛ donu basanta anu na ta tinɛ. Anu tara anuna kolo-fannu na anu bolo.

Bɔ-Koe-Iyipiti 13:6

Wo ni biredi-yɛlɛbɛlɛ dɔn tele wɔrɔ kɔrɔ. A tele wɔrɔnfila nyɔgɛ ma, wo ni ladɛn kɛ Mari ye. Biredi-yɛlɛnɛ kana taran wo bolo. Isiti fanan kana taran wo bolo wola nyamanɛ wo rɔ wo wati-kundu-nɛ rɔ.

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Bɔ-Koe-Iyipiti 5:1

Wo kɔma, Musa anubɛ Aruna tara ka Isirɛlata Mari Alla kan latenbi ale Iyipiti mansɛ ma ko, “I ni ale Marita mɔgɛnu boloka alako anu ni ta a bato tinɛ wulɛ rɔ ka ladiyɛ kɛ a ye.”

Bɔ-Koe-Iyipiti 5:3

Musa anubɛ Aruna ko, “Male Hiburunta Mari Alla ara a nyɛrɛ yira ma la. Ma ye i madiyala, i ni ma boloka. Ma ni tele sawa tagama kɛ wulɛ rɔ ka sarakɛnu bɔ mata Mari Alla ye. Ni wo ma, a si ma kunyɛ to kɛlɛ anubɛ kiraya-fitinɛ rɔ.”

Hɛnkilimaya-Kumɛnu 3:9

I ni to kɔ-fen-nyimɛnu bila ila sɛni-hakikɛ rɔ ka Mari gbiliya wonu na.

Makawandili Kumɛnu 12:1

I tenbi fonikeyɛ rɔ, i miri i Dali-Mari ma. Wati-gbɛlɛyanɛnu bi nala i si a fɔ ko, “Koe bɛɛ bɔrɔ ara bɔ n ye.”

Yilan-Yilan Koe 29:12

“Ka a fɔlɔ karɛ wɔrɔnfilɛ kɛ tele tan-ni-loli ma ha ka a sigi a tele mogan-ni-fila nyɔgɛ ma, wo kana wɔlɛ mumɛ kɛ. Wo si wo ladɛn ka Mari bato lɔgɔkun kelan wo kɔrɔ.

Ɛfɛsa 6:4

Wole denbɛnu, wo kana wola dannu manyini fɔ ka anu makolo dɛnkɛninyɛ makololi-nya la.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”