Bɔ-Koe-Iyipiti 10:7 - ALLALA KUMƐ

⁷ Mansɛla mɔgɔ-banu ya a fɔ ale mansɛ ye ko, “Kei kɛ si a fara gbɛrɛ lasigila ma ye tumɛ mintan? A fisa, i ni mɔgɛ kɛnu boloka alako anu ni ta anuta Mari Alla bato tinɛ. Ile ma a lɔn fɔlɔn ko Iyipiti nyamanɛ ara ban tinyana?”

Bɔ-Koe-Iyipiti 10:7 Iomraidhean Croise

Bɔ-Koe-Iyipiti 12:33

Iyipiti keinu gbaranta Isirɛla mɔgɛnu na alako anu ni bɔ Iyipiti nyamanɛ rɔ tiriya bawo anu ko, “Ni kɛnu ma bɔ yan, ma bɛɛ si faga.”

Bɔ-Koe-Iyipiti 23:33

Wo ka sɔn sibole wonu ni sigi wola nyamanɛ wo rɔ. Ni wo ya wo ma, anu si wo ladon hakɛ rɔ nde, Mari kan ma. Ni wo ya anuna bɛsɛnu kɔ, wonu si ma gbɛrɛ la wo ye ka wo faga.”

Bɔ-Koe-Iyipiti 7:5

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Bɔ-Koe-Iyipiti 8:19

Ale mansɛla kofo-dan wonu ya a fɔ ale mansɛ ye ko, “Alla nyɛrɛ bole ye kɛ rɔ.” Mansɛ ya a yisi gbɛlɛya kɛ kɔma tun a nani nyɔgɛ ko. A ma sɔn Musa anubɛ Aruna kuman-kan birala. Iko Mari ya a fɔ nya min, a kuman-kan bɔra-a-la. (4) Yɔlɛnu Bara-Koe

Hɛnkilimaya-Kumɛnu 29:6

Karagbɛlɛta ko-yogomɛ si ma gbɛrɛ la a nyɛrɛ ye kɔnɔ mɔgɔ-latelennɛ si to sewɛ rɔ.

Makawandili Kumɛnu 7:26

N bara koe do yen min gbɛlɛ sayɛ ko. Wo le wo musi la min tɔgɛ musu-milibɛlɛ. A mani de iko gbɛrɛ. A yisi mani de iko fɛlɛ-wɛ. A bole mani de iko yɔlɔkɛ. Allata mɔgɛ le dɔrɔn si a masangba kɔnɔ a ti mɛ hakɛ-tigi wo lasɔrɔnna.

Aiseya 14:20

Anu ma i togon iko mansɛ doinu bara togon nya min bawo i ya ila nyamanɛ kasara ka ila nyamanita-mɔgɛnu faga. I sɔn ye ila denbayɛ bɛɛsi bolo ma. Wo fenfen ti to a niyi la.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Yɛrɛmaya 48:4

Mohabu nyamanɛ si na halaki. Anuna dannu di-kɛ-kan la si mɔɛn.

Yɛrɛmaya 51:8

Tiriyante wo rɔ, Babilɔn soe si na bui ka tinya pɔ! Bɛɛ ni di ka a tɛgɛ bui-koe wo ma. Anu ni a tɛlɛnu makiri. Tumado a si kɛndɛya.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

1 Kɔrɛnti 7:35

N bi kɛ fɔla wo dɛnbɛn-koe le la. N sa n tayala ka wo fɔrɔsɛ mumɛ! N bi a fɛ dɔrɔn, wo ni to ko-latelennɛnu kɛla. Wo ni wo nyɛrɛ di Marita wɔlɛ ma fasai!

Yasowa 23:13

wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

1 Samuwɛli 18:21

Mansa Sɔli ya a miri a yisi rɔ ko, “N si ke le Mikali fanan dila Dawuda ma. Wo si ma gbɛrɛ la a ye alako Filisitinu ni a faga.” Mansa Sɔli ya a fɔ Dawuda ye tun ko, “I si ma n biran-kei la gbɛ!”

1 Samuwɛli 5:11

Wonu ya Filisitinuna so-kun lolɛ wonu mansɛnu kele tun ka anu kundɛn. Anu ya a fɔ mansɛ wonu ye ko, “Wo ni Isirɛla mɔgɛnuna tɔn-kenkirɛ lasɛgi anu ma alako a kana na mabɛ mala denbayɛnu nato.” Ɛkirɔn soe mɔgɛ bɛɛsi kumakɔra bawo Alla ye anu tɔrɔla belebele-wɛ-kɛ.