Bɔ-Koe-Iyipiti 10:22 - ALLALA KUMƐ

²² Musa ya a bole rasagan san ma. Tele sawa, pinpi-fin-bɛ burunnɛ Iyipiti nyamanɛ bɛɛsi kuma bɛff.

Bɔ-Koe-Iyipiti 10:22 Iomraidhean Croise

Yobu 5:14

Tele si ma pinpi la anu bolo. Anu si to anu bole mɛmɛla tele rɔ iko fiyɔn.

Yaburi 105:28

Alla ya pinpi burun nyamanɛ wo kun na bawo Iyipiti kɛnu ya ala kumɛ masɔsɔ.

Bɔ-Koe-Iyipiti 20:21

Mɔgɛnu tora sɔni wula-yan la, fɔ Musa kelan min ya a gbɛrɛn pinpi-wɛ wo ma kɔnkɛ kuma Alla ye kan tinɛ min.

Aiseya 8:22

anubɛ ka anu yɛ gbala dugi la, anu ti fenfen yen fɔ tɔrɔyɛ anubɛ pinpi. Anu bi tala kan min, anu ti fenfen taran nyɔ fɔ pinpi-makilanni-bɛ.

Isikiyɛli 32:7

N tenbi a halakiyi wo kun na, n si banda-finyɛ anubɛ lolenu yamatogon pinpi la. Banda-finyɛ si sa tele ya ma, ado karɛ ti gbɛ.

Isikiyɛli 32:8

N si wan-takanɛ bɛɛ ladufen ka pinpi burun duninya mumɛ kun na. Nde, i Tigi Mari kan le kɛ la.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 4:7

Ni wo ya a yen kɔnkɔ-fitinɛ nara, Mari ko ale le ya wo beli banda-yi la. A ya bandɛ lana soe donu tɔ, a ya donu beli a la. A ya bandɛ lana sɛnɛ donu tɔ, a ya donu beli a la.

Tɔn-Fɔɛ-Fila-Nyɔgɛ 4:11

“Wo ni a fɔ wola dannu ye ko wo tumɛ wo sɔnɛ Sinayi kɔnkɛ kɔrɔ, Mari ya Sinayi kɔnkɛ yamatogon banda-fin-digidigi-wɛ anubɛ ta-sisi-fin-bɛ la anubɛ ta-mɛlan min bi yɛlɛla fɔ san-kole.

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Lankɛnimayɛ 16:10

Wo kɔma, melika loli nyɔgɛ ya ata pani-kunbɛ rawuya sogo-feremɛ wota mansaya-sigi-fan kuma. Pinpi burunta sogo-feremɛ wota nyamanɛ bɛɛ kuma bɛff! Mɔgɛnu ya anu nagannu kin dumɛ wo bolo.