Mari ya fɔn-belebele do labɔ tele-yigi wara la. Fɔnyɔ wo ya kondɔn wonu bi ka anu nafili Kɔgɔ-Yi-Wulan rɔ. Hali kondɔn wo kelen ma to Iyipiti nyamanɛ rɔ.
Mansɛ ya Musa anubɛ Aruna kele. A ko, “Wo ni wota Mari madiya ko a ni turukɔɔkɔ kɛnu bɔ ma tɛma. N si ata mɔgɛnu boloka worɔ ko anu ni ta sarakɛnu bɔ wola Mari ye.”
Musa ya a fɔ mansɛ ye ko, “N si Alla madiya wo ye sewɛ rɔ. Ile si kun wati min ma, i ye wo le fɔla n ye. N ni na Alla madiya ile anubɛ ila mɔgɔ-banu anubɛ ila nyamanita-mɔgɛnu ye alako turukɔɔkɔ kɛnu ni bɔ wo tɛma, fɔ minnu bi bɛ rɔ yɛ!”
