Bɔ-Koe-Iyipiti 1:14 - ALLALA KUMƐ

¹⁴ Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

Bɔ-Koe-Iyipiti 1:14 Iomraidhean Croise

Ko-Dabirɛnu 15:13

Mari ya a fɔ Burama ye kiyo rɔ ko, “I ni a lɔn serr ko i bɔnsɔnnu si ma sundan la nyamani-gbɛrɛ rɔ. Anu si ma yɔɔnnu na ka wɔli nyamanita-mɔgɛ wonu ye. Mɔgɛ wonu si anu tɔrɔ san kɛmɛ nani kɔrɔ.

1 Mansɛnu 12:14

iko a ta-nyɔgɔ-kemini-mɛsɛ wonu ya a labila nya min. Ale Rihobowami ya a fɔ anu ye ko, “N fa ya dunu-belebele sigi wo kuma kɔnɔ nde ye dunɛ min sigila wo kuma, wo si tenbi n fatɛ la pirr! N fa ya wo gbesi bosɛ le la kɔnɔ ndeta bosa-dumɛ si wara wo ma iko bondalɛ wa mɔgɔ bon.”

Yaburi 129:1

Wole Isirɛla mɔgɛnu, wo ni kumɛ kɛ labira ka a fɔ n kɔma, “Kebi n dennɛ, n yogenu bi n niyi ragbɛrɛnna n ma.

Yaburi 68:13

Hali wole minnu tora saga-wɔrɛ makandan tinɛ, wole si kura-kangbɔɛla muninyɛnu sɔrɔn nun wodi-gbɛ sanɛ minnu kanban ma, ado anu tiyi ye malan-malanna iko sɛnɛ.

Yaburi 81:6

Alla ko, “N bara yɔɔnya-ko-dunɛ bɔ wo kuma ka wo kunyɛ bɔ tɔrɔ-mansayɛ anubɛ yigi-tɛgɛ kɔrɔ.

Bɔ-Koe-Iyipiti 1:11

Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 1:13

Iyipiti kɛnu ya Isirɛla mɔgɛnu nawɔli fɔrɔsɛ la ha ka anu niyi ragbɛrɛn anu ma.

Bɔ-Koe-Iyipiti 1:15

Tinkɔrɔ-sigilɛ minnu bi anu ta-nyɔgɛ Hiburu musinu kun na, wo kelan tɔgɛ le Sifira, doi tɔgɛ le Puwa. Iyipiti mansɛ ya a fɔ wonu ye ko,

Bɔ-Koe-Iyipiti 2:23

San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 6:9

Musa ya Mari kuman-kan wo latenbi Isirɛla mɔgɛnu ma kɔnɔ mɔgɛ wonu ma anu tole masɔ Marita kumɛ wo la Musa bolo kamasɔrɔn anu niyi ragbɛrɛnnɛ anu ma yɔɔnyɛ bolo.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Aiseya 10:24

Ma Tigi, Mari Sɛnbɛ-Bɛɛ-Tigila mɔgɛ minnu siginɛ Yerusalɛm soe burɔ, wo ye a fɔla anu ye ko anu denu kana kilan Asiriya wonu na hali Asiriyanu bara a lakunaya anu kuma iko Iyipiti kɛnu ya a ma nya min nun.

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Saraka-Masɔlɛnuta Tɔnnu 25:46

Ni wo ya den sufa wonu san, wonu si ma le kɛɛ la wo si min to wola dannu anubɛ wo kegeyɛnu bolo. Wonu si to yɔɔnyɛ rɔ wola dannu kɔrɔ ha wonu si faga. A wa gbɛlɛya i kuma nya-wo-nya, i kana i na-kelen-nyɔgɛ Isirɛla mɔgɛ do bira iko yɔɔn.

Saraka-Masɔlɛnuta Tɔnnu 25:53

iko wɔli-kɛlɛ bɛnta ka min nyɔgɔn sarɛ sɔrɔn san kɔrɔ. Hali wo mumɛ bɛɛ rɔ, ale sibolo-gbɛrɛ kana a bira-bole layogoya.

Maika 3:3

Wo ye Marita mɔgɛnu birala boloko-yogomɛ-kɛ iko donso-keminɛ tenbi sogo-gbole bɔla a ma. Wo ye Marita mɔgɛnu birala iko donso-keminɛ wa sogo-ratɛgɛtɛgɛnɛ sa dagɛ rɔ ka a dɔn sa!

Nehami 3:14

Wole Ninɛfa kɛnu, wo ni wo raya ka wo mabɛn kɛlɛ fɛ-yan-bɛla ko la. Wo ni yi madunu wola soe burɔ bawo wola soe kuruntɔɛ le. Wo ni wola tarɛ sɔ fanka rɔ. Wo ni wola bulɔku-gbesi-fannu nadan ka dugu-namɛ laboro kɛnti!

Yilan-Yilan Koe 20:15

Ma benbanu tara Iyipiti tumɛ min, ma ya san siyaman bɔ nyɔ. Iyipiti mɔgɛnu ma ma bira a kin na nyɔ, ado anu ya ma tɔrɔ kosɛbɛ!

Kɛwɔlɛnu 7:19

Wo ya halliyɛ kɛ mala mɔgɛnu na ka ma benbanu bira boloko-yogomɛ-kɛ. A ya anu fɔrɔsɛ ko anu ni anuna dannu nakɛ a rɔ alako anu ni faga,

Kɛwɔlɛnu 7:34

A ko a ara ata mɔgɛnuna tɔrɔya-wɛ yen Iyipiti nyamanɛ rɔ. A ara anu kurun-kan lamɔɛn. A ko a ara yigi anu nakisi tinɛ ko a ye nala ale Musa sɔla Iyipiti nyamanɛ rɔ.

Tɔn-Fɔɛ-Fila-Nyɔgɛ 26:6

Iyipiti mɔgɛnu ma ma bira a kin na mumɛ! Anu ya ma fɔrɔsɛ ka ma ma yɔɔnnu na.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Ruti 1:20

Neyomi ya a fɔ ko, “Wo ka a fɔ n ma tun, ‘Neyomi’ min kɔrɛ le ‘kun-nadiyɛ.’ Wo ni a fɔ n ma le gbɛ ko, ‘Mara’ min kɔrɛ le ‘kun-nagboyɛ.’ Bawo Allatala ara kun-nagboyɛ di nde ma.