Bɔ-Koe-Iyipiti 1:11 - ALLALA KUMƐ

¹¹ Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 1:11 Iomraidhean Croise

Ko-Dabirɛnu 15:13

Mari ya a fɔ Burama ye kiyo rɔ ko, “I ni a lɔn serr ko i bɔnsɔnnu si ma sundan la nyamani-gbɛrɛ rɔ. Anu si ma yɔɔnnu na ka wɔli nyamanita-mɔgɛ wonu ye. Mɔgɛ wonu si anu tɔrɔ san kɛmɛ nani kɔrɔ.

Ko-Dabirɛnu 47:11

Yusufu ya sigi-tina-hakikɛ di a fa anubɛ ala denbayɛnu ma Kosɛn sigisɔn rɔ, Ramɛsisi soe dafɛ Iyipiti nyamanɛ rɔ iko mansɛ ya a fɔ nya min.

1 Mansɛnu 9:19

Wo kɔma, a ya anu fɔrɔsɛ ka soe wonu sɔ, a si a bolo-fannu namara kan min anubɛ a si ala kirindinu anubɛ ala soeenu namara kan min. A wa wuli a halala-wɔli-wo-wɔli mala Yerusalɛm soe burɔ, a si mɔgɛnu fɔrɔsɛ ka wo ma. A si ala mɔgɛnu nawɔli ala nyamanɛ wo bɛɛ rɔ. Hali Lɛbanan nyamanɛ rɔ, a ya ala mɔgɛnu nawɔli nyɔ.

2 Ko-Kɔrɔta-Karan 16:4

Siriya Mansa Bɛnhedadi sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛ donu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, anubɛ Ebɛli-Bɛti-Meyaka. Wo kɔma, anu tara Nafatali bɔnsɔn-mɔgɛnuna fen-namara-soe bɛɛ bi anu bolo.

2 Ko-Kɔrɔta-Karan 8:4

Tama soe min bi wula-da-rakolɔn rɔ, a tara ka wo bi ka tarɛ mini wo ma. A si fannu namara soe minnu tɔ Hamati sigisɔn rɔ, a ya wonu sɔ-kurɛ-kɛ.

Yaburi 105:13

Anu bi yilan-yilanna sibolo-gbɛrɛnu tɛma. Anu bi bɔla nyamanɛ do rɔ ka ta nyamani-gbɛrɛkɛ rɔ.

Yaburi 129:1

Wole Isirɛla mɔgɛnu, wo ni kumɛ kɛ labira ka a fɔ n kɔma, “Kebi n dennɛ, n yogenu bi n niyi ragbɛrɛnna n ma.

Yaburi 129:2

“Ka a bi nna denniya-tumɛ ma, n yogenu bi n bira boloko-yogomɛ-kɛla tolon! Kɔnɔ hali wo, anu ma n nɔ feu!

Yaburi 68:13

Hali wole minnu tora saga-wɔrɛ makandan tinɛ, wole si kura-kangbɔɛla muninyɛnu sɔrɔn nun wodi-gbɛ sanɛ minnu kanban ma, ado anu tiyi ye malan-malanna iko sɛnɛ.

Yaburi 81:6

Alla ko, “N bara yɔɔnya-ko-dunɛ bɔ wo kuma ka wo kunyɛ bɔ tɔrɔ-mansayɛ anubɛ yigi-tɛgɛ kɔrɔ.

Bɔ-Koe-Iyipiti 1:14

Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

Bɔ-Koe-Iyipiti 2:11

Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Bɔ-Koe-Iyipiti 5:10

Wɔli-kunyɛnu anubɛ anu kan-kɔrɔ-sigilɛnu tara mansɛ kan kɛ rakaran Isirɛla mɔgɛnu ye ko, “Mansɛ ko a ti kɔrɔ-fɔrɔn di wo ma tun.

Bɔ-Koe-Iyipiti 5:15

Kan-kɔrɔ-sigilɛ wonu tara a fɔ mansɛ ye ko, “Nfenna i ye kɛ nyɔgɔn mala ila yɔɔnnu na?

Bɔ-Koe-Iyipiti 5:8

Anu duruta bulɔku min nyɔgɔn gbesila, anu ni to wo nyɔgɔn gbesila tun. Anu kana dasa wo la. Wɔlɛ ma gbɛlɛya wɛ anu kuma min kɛ, woletɔ anu bi anu kian kun na ta-koe la saraka-bɔ-tinɛ anuta Alla ye.

Hɛnkilimaya-Kumɛnu 27:4

Yisi-bɔɛ si ko-yogoma-siyaman ma ka fen-siyaman tinya kɔnɔ kei-keli tenbira wo la.

Yilan-Yilan Koe 20:15

Ma benbanu tara Iyipiti tumɛ min, ma ya san siyaman bɔ nyɔ. Iyipiti mɔgɛnu ma ma bira a kin na nyɔ, ado anu ya ma tɔrɔ kosɛbɛ!

Tɔn-Fɔɛ-Fila-Nyɔgɛ 26:6

Iyipiti mɔgɛnu ma ma bira a kin na mumɛ! Anu ya ma fɔrɔsɛ ka ma ma yɔɔnnu na.