Ɛsita 9:2 - ALLALA KUMƐ

² Yahudiyanu ya anu tabɛn Mansa Sakasila nyamani-soe wonu tɔ anu yogenu kan ma, minnu bi bagala anu ma, kɔni. Sibolo-gbɛrɛkɛ ma sisi anu na tun bawo anu bara kilan anu na.

Ɛsita 9:2 Iomraidhean Croise

Ko-Dabirɛnu 35:5

Anu ya tagama dabira tumɛ min, Alla ya kilan don anu dafɛ-sorɔ-mɔgɛnu tɔ. Wo le ya a ma, anu ma Yakoba anubɛ ala den-keinu sagaran.

Ɛsita 8:11

Min sɛbɛnɛ kɛdi wonu tɔ, ko mansɛ ara sɔn ko Yahudiya bɛɛ ni anu tabɛn ka anu nyɛrɛ kumafunfan. Ni sibolo-gbɛrɛkɛ wulita Yahudiyanu kan ma nyamanɛ kɛ kan-bo-kan, a mara Yahudiya-musuma la wo, a mara a keima la wo, a mara a denni na wo, anu ni sibole wonu kɛlɛ ha ka anu ban fegba! Anu ba ban anu nɔla, anu ni wonu bolo-fan damasi bi.

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Yaburi 71:13

Minnu bara wuli n kan ma, alamɛ wonu kasarata ka tunu yen! Min tayanɛ n tanban-koe la, alamɛ wonu yarabira n ye.

Yaburi 71:24

Telen-gbɛn, n bi ila telenbagayɛ rakaranna bawo minnu bi ko-yogomɛ sigila n ma, i wara wonu nabui kɔndɔfili rɔ yarabiyi bolo.

Bɔ-Koe-Iyipiti 23:27

“N si wo yogenu takilan wo yarɔ. Anu kɔndɔ si fili pirikali! Wo yoge bɛɛ si anu buri wo kɔrɔ.

Aiseya 8:9

A ko wole sibolo-gbɛrɛnu, wo ni wo ladɛn kilan bolo. Wole minnu bi duninya-dan la pon, a ko wo ni wo tole masɔ. Hali wo rabɛnnɛ kɛlɛ-koe la kɔnɔ wo kun ma si kɔ kilan bolo.

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.