Ɛsita 9:1 - ALLALA KUMƐ

¹ San wo karɛ tan-ni-filɛ min tɔgɛ Adari, wo tele tan-ni-sawa nyɔgɛ kera. A bɛnta, Yahudiyanu na ni to tele kɛ le ma iko mansɛta tɔn ya a fɔ nya min. Wo tele nyɛrɛ rɔ nun, Yahudiyanu yogenu miri ko anu si anu nato tele wo le ma kɔnɔ tunbi sara a tɛrɛna anu bolo bawo Yahudiyanu ya anu nɔ.

Ɛsita 9:1 Iomraidhean Croise

2 Samuwɛli 22:41

I ya a ma, n yogenu ya anu buri n kɔrɔ. Wo le ya a ma, n ya anu kasara.

Ɛsita 3:13

Ala kilayɛnu ya kɛdi wonu bi ka ta anu to mɔgɔ-banu ma nyamanɛ wo tonke bɛɛ rɔ. Min sanɛ kɛdi wo rɔ ko, “San kɛ, a karɛ tan-ni-fila nyɔgɛ min tɔgɛ Adari, wo tele tan-ni-sawɛ ma, Yahudiya bɛɛ si faga wulɔn-tele ma. A denni wo, a kina wo, a musu wo, a kei wo, a bɛɛ si faga. Wo kana kinikini anu ma. Wo ni anu dama faga tɛrr, wulɔn-tele rɔ ka anu bolo-fannu bi.”

Ɛsita 3:7

Ale Mansa Sakasi kɛla mansayɛ san tan-ni-fila nyɔgɛ, a karɛ fɔlɛ ma min tɔgɛ Nisan, Heman ya korɔn lakɛ wati wo le ma. A ya wo ma alako a ni Yahudiya kɛnu nato-tele anubɛ a karɛ lɔn. San wo, a karɛ tan-ni-fila nyɔgɛ ma min tɔgɛ Adari, korɔn diyara wo tele tan-ni-sawa nyɔgɛ le ma.

Ɛsita 8:12

Wo damasi ye mala san wo karɛ tan-ni-filɛ min tɔgɛ Adari, wo tele tan-ni-sawɛ, kɔni.

Ɛsita 8:6

Ni anu si na nna mɔgɛ bɛɛ lato le, ha n kebilɛ bɛɛ kunyɛ ni to-a-rɔ, n si ke n muinna kasara-su kɛ kɔrɔ kama?”

Yaburi 18:40

I ya a ma, n yogenu ya anu buri n kɔrɔ. Wo le ya a ma, n ya anu kasara.

Yaburi 30:11

I wara nna diyi yɛlɛma n ye sewɛ la. I wara di-kɛ-bɔrɛ bɔ n kan na ka sewa-bɔrɛ don n kan na wo gbɛ rɔ.

Kɛwɔlɛnu 12:11

Wo kɔma, min bara ma Pita la, a ya a miri wonu ma. A ko, “N bara a lɔn gbɛ serr, ko tonyɛ le! A sɔgɛ ye Yahudiyanu na ka min sigi n ma nun, Mari ara ala melika sɔ ka n tanka anubɛ Yahudiyanu masibɛ ma.”

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”