Ɛsita 8:11 - ALLALA KUMƐ

¹¹ Min sɛbɛnɛ kɛdi wonu tɔ, ko mansɛ ara sɔn ko Yahudiya bɛɛ ni anu tabɛn ka anu nyɛrɛ kumafunfan. Ni sibolo-gbɛrɛkɛ wulita Yahudiyanu kan ma nyamanɛ kɛ kan-bo-kan, a mara Yahudiya-musuma la wo, a mara a keima la wo, a mara a denni na wo, anu ni sibole wonu kɛlɛ ha ka anu ban fegba! Anu ba ban anu nɔla, anu ni wonu bolo-fan damasi bi.

Ɛsita 8:11 Iomraidhean Croise

Ɛsita 3:13

Ala kilayɛnu ya kɛdi wonu bi ka ta anu to mɔgɔ-banu ma nyamanɛ wo tonke bɛɛ rɔ. Min sanɛ kɛdi wo rɔ ko, “San kɛ, a karɛ tan-ni-fila nyɔgɛ min tɔgɛ Adari, wo tele tan-ni-sawɛ ma, Yahudiya bɛɛ si faga wulɔn-tele ma. A denni wo, a kina wo, a musu wo, a kei wo, a bɛɛ si faga. Wo kana kinikini anu ma. Wo ni anu dama faga tɛrr, wulɔn-tele rɔ ka anu bolo-fannu bi.”

Ɛsita 9:18

Kɔnɔ Yahudiya minnu bi Susa soe burɔ, wonu ya anu sulen a tele tan-ni-loli nyɔgɛ ma ka wo ma anu nyɛrɛta ladiya-tele la bawo anu ya anu yogenu faga a tele tan-ni-sawa nyɔgɛ anubɛ a tele tan-ni-nani nyɔgɛ le ma.

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Yaburi 68:3

Kɔnɔ telenbagɛnu si sewa a yakɔrɔ. Anu si nyagalen ka a lawɔyɔ sewɛ bolo.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Isikiyɛli 39:10

Anuna ko ti taran sɔgɔ-nyini-ko rɔ tun ka a tɛgɛ kɛlɛ-miran-nadɛnnɛ wonu ma. Minnu nara wo bolo-fannu bi tinɛ wo bolo, wole fanan si wonu bolo-fannu bi anu bolo. Nde, wo Tigi Mari kan le kɛ la.”