Ɛsita 8:1 - ALLALA KUMƐ

¹ Wo tele nyɛrɛ rɔ, Mansa Sakasi ya Yahudiyanu yogo Heman bolo-fan mumɛ latenbi ala musi Ɛsita ma. Wo kɔma, Ɛsita ya a fɔ ala kei, Mansa Sakasi ye ko a kebila-nyɔgɛ le Mɔdekɛyai la. Wo wulɔn-tele ma, Mɔdekɛyai nara a nyɛrɛ dantɛgɛ mansɛ ma.

Ɛsita 8:1 Iomraidhean Croise

Ɛsita 1:14

Mɔgɔ-ba wonu tɔgɛ le kɛnu na, Karisina wo, Setari wo, Adamata wo, Tasisi wo, Merisi wo, Marisena wo anubɛ Mɛmukan. Mɔgɔ-ba kɛnu denu bi mɔgɔ-ba bɛɛsi yarɔ Pasiya anubɛ Midiya nyamanɛ rɔ. Yanni mansɛ ni ko-wo-ko ma, a si a tole masɔ mɔgɔ-ba kɛnu denu na fɔlɔn.

Ɛsita 2:15

Ɛsitata wati kenɛ ka ta mansɛ warɛ, Hegayi min bi a kun na, wo ya kurɛ minnu yira a la, a ya wonu denu don a ma. A ban a mabɛnna, min bɛɛ ya a yen, wonu yɛ bɔra a la. Ɛsita kɛ, a sɔrɔn-fa tɔgɛ le Abiheli. A kɔrɔ Mɔdekɛyai, wo le ya a makolo, ado wo ya a bira iko a halala-dan.

Ɛsita 2:7

A kebila-nyɔgɛ do ye nyɔ, wo tɔgɛ le Ɛsita. A sereka-tɔgɛ le Hiburu-kan rɔ ko Hadasa. A kin, ado a mafɛlɛn di kati! Sunkurɔn kɛ sɔrɔnbagɛnu faganɛ, Mɔdekɛyai ya a makolo iko a halala dan.

Ɛsita 7:6

Mansɛla musi Ɛsita ko, “Ma yoge min tɔgɛ Heman, wo le ya kɛ bɛɛ rabɛn ma kan ma.” Kumɛ wo ya Heman kumakɔ. A ya a yɛ gbala mansɛ anubɛ ala musi la.

Ɛsita 8:7

Mansa Sakasi ya a fɔ ala musi Ɛsita anubɛ Mɔdekɛyai ye ko, “Heman min ya Yahudiyanu nato-koe rabɛn, n bara wo dun ka a bolo-fannu natenbi Ɛsita ma.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Hɛnkilimaya-Kumɛnu 28:8

Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”