Ɛsita 7:8 - ALLALA KUMƐ

⁸ Ɛsita sanɛ sigi-fen-yan kuma kan min anuna fen dɔn tinɛ, ale Heman tara a sa a kian kuma nyɔ a madiya tinɛ. Mansɛ don bɔn la, a ya Heman sanɛ taran ala musi Ɛsita kian kuma. Mansɛ ya a fɔ a kulu-mayɛlɛnɛ la ko, “Wo ni wo yɛ lana, a sɔgɛ ye kei kɛ la ka a sa nna musi fɛ n nyɛrɛta bɔn la n yala?” Mansɛ ban wo fɔla, a makandannɛnu ya ale Heman yɛ lakiri ka a yira ko aletɛ ara ban.

Ɛsita 7:8 Iomraidhean Croise

Ɛsita 1:5

Kɛ kanɛ a la, a ya ladiyɛ kɛ Susa kɛnu ye, a keimɛnu, kɔni. A bolo-kolon wo, a fen-tigi wo, a ya wo bɛɛ de-nyini. Anu tora ladiyɛ wo kun na ale mansɛla lu-kɔndɛ rɔ ha lɔgɔkun kelen.

Ɛsita 1:6

A ya yesekara-gbɛ anubɛ yesekara-finyɛ bi ka wo ma kurɛ la ka lu-kɔndɛ wo rabɛn wonu na. Anu ya kurɛ wonu tɛ-kiri tala yili-kolo-pɔrɔkɔsɛnu na. Wodi-gbɛ-dɛɛn minnu sɔnɛ sɛnbɛrɛn-kɔnnu na tala, anu ya yili-kole wonu kiri tala wonu na. Sɛnbɛrɛn-kɔn wonu nadannɛ kuru-gbɛlɛ denu denu na. Sigi-fen-yan minnu nadannɛ sɛnɛ anubɛ wodi-gbɛ la, wonu siginɛ tala lu-kɔndɛ wo rɔ. Lu-kɔndɛ wo gbɛlɛkannɛ kuru-gbɛlɛ subolo-siyamɛ bɛɛ la.

Ɛsita 6:12

Heman ban kɛ mala, Mɔdekɛyai sɛgira a gbɛ rɔ bolon-don-dɛ la. Kɔnɔ Heman kun-nayiginɛ burimatoe sɛgira a warɛ bɔn la yisi-magboyɛ anubɛ miliyɛ la a bolo.

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Yobu 9:24

Alla ya duninya dantɛgɛ karagbɛlɛnu ma. A ya a ma, kiti-tɛgɛlɛ bɛɛ fiyonyara tɛrr! Wo rɔ, ni Alla ma wo ma, yon ya wo ma nun worɔ?

Aiseya 22:17

Hali mɔgɔ-ba le ile la, Mari si i fɔrɔn ka i lakɛ a rɔ pirr!

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Emɔsi 3:12

Ni saga-fɛ-biralɛ si ke saga-woro kolo filɛ wa a tolo-lafɛlafɛ bila yarɛ dɛ la, mani Samariya kɛnu Isirɛla mɔgɛnu, kɔni, wonu si ke anu burila anu yogenu kɔrɔ, ado anu sanɛ anuna sa-fen kiannu na anu kin kɔrɔ.

Maraka 14:65

Donu wulita anu nɔgɔ-yi kɛla Yisa ma. Anu ya a yɛ lakiri ka a matugu. Anu ko, “Min ya i tugu, i bole telen wo la!” Kandannɛ wonu ya a bira ka a dɛ ratii.