Ɛsita 7:6 - ALLALA KUMƐ

⁶ Mansɛla musi Ɛsita ko, “Ma yoge min tɔgɛ Heman, wo le ya kɛ bɛɛ rabɛn ma kan ma.” Kumɛ wo ya Heman kumakɔ. A ya a yɛ gbala mansɛ anubɛ ala musi la.

Ɛsita 7:6 Iomraidhean Croise

Nihɛmaya 6:16

Ma yoge min bɛɛsi ye mala foolɛ rɔ, wonu ya a lamɔɛn min kɛ ko ma ara wɔlɛ kundon, anu miliyara bawo anu bara a lɔn ko mata Alla ara ma dɛnbɛ wɔlɛ kɛ rɔ.

Ɛsita 3:10

Mansɛ fanan ya ala mansaya-dɛɛn-kɔlɔnɛ bɔ a bole la ka a don Yahudiyanu yogo Heman bolo. Dɛɛn-kɔlɔnɛ wo le si a yira ko mansɛ kan le wo la.

Ɛsita 7:5

Mansa Sakasi ya Ɛsita manyinika ko, “Yon bara sisi ko sufa kɛ la? Wo tigi ye mintɔ?”

Ɛsita 8:1

Wo tele nyɛrɛ rɔ, Mansa Sakasi ya Yahudiyanu yogo Heman bolo-fan mumɛ latenbi ala musi Ɛsita ma. Wo kɔma, Ɛsita ya a fɔ ala kei, Mansa Sakasi ye ko a kebila-nyɔgɛ le Mɔdekɛyai la. Wo wulɔn-tele ma, Mɔdekɛyai nara a nyɛrɛ dantɛgɛ mansɛ ma.

Yaburi 27:2

Karagbɛlɛnu ba wuli n kan ma ko anu ni n faga, anu si anu kiannu natugu ka bui.

Hɛnkilimaya-Kumɛnu 16:14

Ni mansɛ diminyara, tumado, mɔgɛ do si na faga kɔnɔ hɛnkilimɛ si mansɛ wota fondo-bɔɛ makima.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Aiseya 21:4

N bi yɛrɛyɛrɛnna yisi-tinyɛ bolo. N hɛnkili latɛgɛnɛ wura-makɔnɛ ma kɔnɔ yaga, wo ye a labanna n bolo kumakɔɛ le la.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

1 Samuwɛli 24:13

Anu bi sarandɛ min fɔla ko, ‘Ko-yogoma-kɛlɛ le si ko-yogomɛ ma,’ ile ya wo lɔn serr! Woletɔ nde ti ko-yogoma ma i la.