Ɛsita 7:3 - ALLALA KUMƐ

³ Mansɛla musi Ɛsita ya a fɔ a ye ko, “N tigi, ni n bara-koe ara i hɛnɛ, ado n di i ye, a sɔgɛ ye n na, sayɛ min bara gbɛrɛn mabɛ nna mɔgɛnu ma kɛ la, i ni ma tanka wo ma

Ɛsita 7:3 Iomraidhean Croise

1 Mansɛnu 20:31

Ala mɔgɔ-banu tara a fɔ a ye ko, “Ma ye a lamɔɛnna ko Isirɛla mansɛnu si kinikini de mɔgɔ ma. Ni i si sɔn, ma ni kasa-kurɛ kiri ma la ka yili kiri ma kan na ka a yira ko ma ara famayigi ma yogenu kɔrɔ. Ma ni ta Mansa Ehabu wara. Tumado, a ti i faga.”

2 Mansɛnu 1:13

Wo kɔma, mansɛ wo ya ala kɛlɛ-den bi-loli bila ala kɛlɛ-den-kunyɛ do fanan fɛ tun ko anu ni ta Nɛbi Ilaya bira. Wonu fanan ke nɛbi ma, kɛlɛ-den-kunyɛ wo ya kɔnkɛ yɛlɛ ka ta a taran. A ke a ma, a ya a nyɛnkin a kɔrɔ. A ko, “Ile Allata mɔgɛ, i yandi, mabɛ nna mɔgɛ kɛnu niyi latanka.

Ɛsita 4:8

Yahudiyanu faga-koe min sɛbɛnɛ Susa soe burɔ, Mɔdekɛyai ya wo do don a bolo ko a ni ta a to Ɛsita ma. A ya a fɔ wo ye ko a ni ta a fɔ Ɛsita ye ko Ɛsita ni ta ala kei Mansa Sakasi madiya alako a ni kinikini ale Ɛsitata mɔgɛnu ma.

Ɛsita 5:8

“N tigi, ni n bara-koe ya i hɛnɛ, ado n di i ye, n bi dɔn-fan min tabɛnna, wobɛ Heman ni na wo dɔn yan tɔ sina. N bi nyinina min ma, n ni na to wo fɔla i ye.”

Ɛsita 7:7

Mansɛ yisi bɔra. A ya a lasɔ ka bɔ ala mansaya-bolɔn lu-kɔndɛ rɔ. Heman ban a lɔnna ko mansɛ ara a kɔnkɔn a ma a tɔrɔ-koe la, a tora kɔma alako a si Ɛsita madiya nya min. Wo ni a kunyɛ bɔ saya-masibɛ kɛ kɔrɔ.

Ɛsita 8:5

“N tigi, ni n bara-koe ara i hɛnɛ, ado n di i ye, i ni n dɛnbɛ ko kelen na. Ekaki bɔnsɔn, Hamidetala den Heman ara sereya sa nun ko ka Yahudiyanu nato ila nyamanɛ kɛ rɔ. Ni i sɔnta, i ni sereya-gbɛrɛkɛ sa min si a ma, Hemanna ko-rabɛnni-kɔrɔmɛ ni tinya.

Yobu 2:4

Setanɛ ya a fɔ Mari ye ko, “Ko kɛ fu sa. Mɔgɛ si a bolo-fan bɛɛ di i ma a niyila ko la

Yɛrɛmaya 38:26

A fɔ anu ye le ko i ye n madiya-tinɛ le alako n kana na i sa tun yele la Yonatanna bɔn la ka faga nyɔ.”