Ɛsita 7:10 - ALLALA KUMƐ

¹⁰ Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Ɛsita 7:10 Iomraidhean Croise

Ko-Dabirɛnu 40:22

Kɔnɔ a ya ala biredi-mintannɛ wo don kɔlɔma ma iko Yusufu ya anuta kiyonu kɔrɛ fɔ anu ye nya min nun.

Ɛsita 2:1

Mansa Sakasi yisi-kimani-kɔmɛ kɛ, a yili ma bɔ ala tɔn-siginɛ ko ka a tɛgɛ Fasati sɔn kɛ ma.

Ɛsita 5:14

Ala musi anubɛ a diyana-mɔgɛnu ya a fɔ ko, “Nfenna i ti mɔgɔ dun tinɛ ladan, Mɔdekɛyai kɛ si dun kan min? Wola yanyɛ ni ma nunkan-nya bi-sawa ani nunkan-nya wɔrɔ la. Sina sɔgɔma, i ni ta a fɔ mansɛ ye alako a ni Mɔdekɛyai dun wo la. Wo wa ka a la, i sewanɛ si ta mansɛ fɛ musi wo warɛ fen dɔn tinɛ.” Heman mirinɛ ko anu bara kuma-telennɛ le fɔ a ye wo la. A ya mɔgɔ dun tinɛ wo ladan.

Ɛsita 7:7

Mansɛ yisi bɔra. A ya a lasɔ ka bɔ ala mansaya-bolɔn lu-kɔndɛ rɔ. Heman ban a lɔnna ko mansɛ ara a kɔnkɔn a ma a tɔrɔ-koe la, a tora kɔma alako a si Ɛsita madiya nya min. Wo ni a kunyɛ bɔ saya-masibɛ kɛ kɔrɔ.

Ɛsita 7:8

Ɛsita sanɛ sigi-fen-yan kuma kan min anuna fen dɔn tinɛ, ale Heman tara a sa a kian kuma nyɔ a madiya tinɛ. Mansɛ don bɔn la, a ya Heman sanɛ taran ala musi Ɛsita kian kuma. Mansɛ ya a fɔ a kulu-mayɛlɛnɛ la ko, “Wo ni wo yɛ lana, a sɔgɛ ye kei kɛ la ka a sa nna musi fɛ n nyɛrɛta bɔn la n yala?” Mansɛ ban wo fɔla, a makandannɛnu ya ale Heman yɛ lakiri ka a yira ko aletɛ ara ban.

Ɛsita 8:7

Mansa Sakasi ya a fɔ ala musi Ɛsita anubɛ Mɔdekɛyai ye ko, “Heman min ya Yahudiyanu nato-koe rabɛn, n bara wo dun ka a bolo-fannu natenbi Ɛsita ma.

Ɛsita 9:14

Mansɛ ya a fɔ ala mɔgɛnu ye ko anu ni a ma iko Ɛsita ya a fɔ nya min. Anu ya a mayon Susa soe burɔ. Wo kɔma, anu ya mɔgɔ tan wonu furi dun, mɔgɛ bɛɛ si anu tagbɛ kan min.

Ɛsita 9:25

Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Yobu 18:8

A ye tagamana yalɛ rɔ min bi nala a birala. A ye tola a makɛlɛla nya min, wo ye tola a birala wo nya na le.

Yobu 20:8

A si tunu yen, iko kiyo. A ti yen tun!

Yaburi 37:15

Kɔnɔ karagbɛlɛ wonu tɔgɔ si to anuna faan wonu na. Anuna kalabɛn wonu ta si murundu.

Yaburi 7:16

Anu bi tɔrɔyɛ min saganna anu ta-nyɔgɛnu tɔgɔ rɔ, wo ye sigila anu nyɛrɛ le ma. Anuta karagbɛlɛyɛ wo ye yigila anu denu denu kun-kole ma.

Yaburi 94:23

I si anuna karagbɛlɛyɛ lasɛgi anu kɔgɔ rɔ. I si anu kasara ka a tɛgɛ anu hakɛla ko ma. Ile mata Mari Alla si anu nato dogbe!

Hɛnkilimaya-Kumɛnu 11:27

Mɔgɛ min bi ko-nyimɛ nyinina, wo ye tɔgɔ-nyimɛ le sɔrɔnna mɔgɛnu bolo. Kɔnɔ ni mɔgɔ-sigi-kunya bɛnta ko-yogomɛ ma, ala ko-yogomɛ wo si sɛgi a kɔgɔ rɔ.

Hɛnkilimaya-Kumɛnu 11:8

Telenbagayɛ si mɔgɔ-telennɛnu bɔ nanparan rɔ, ado mɔgɔ-karagbɛlɛnu si don wo dɛ la.

Hɛnkilimaya-Kumɛnu 26:27

Ni mɔgɛ ya denkɛ tɛgɛ a ta-nyɔgɛ ye, wo tigi ti bui wo rɔ fɔ ale. Ni i ya kuri min nakuru-kurun i bɔla ko la, wo ye bɛnna ile le la.

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Daniyɛli 6:24

Mansɛ wo ya a fɔ ko, “Minnu ya Daniyɛli maburi n ye, wo ni wonubɛ anuna denbayɛnu bira ka anu nakɛ yarɛnu kɔrɔ.” Anu nanɛ mɔgɛ wonu na, anu ba min nakɛ yarɛnu kɔrɔ, yanni wo ni ke dugu ma, yarɛnu gbanta anu na ka anu ramɔsɔkɔn-mɔsɔkɔn.

Daniyɛli 6:25

Wo kɔma, ale Mansa Dariyasi ya kɛdi sɛbɛ sibole bɛɛ ma ala nyamanɛ rɔ. A ko, “N bara wo dama kɔndɔn. Alamɛ wo damasi sabatira.

Sakaraya 6:8

Wo kɔma, ale melika ya n takele, a ko, “Soee minnu tara Babilɔn wara la, wonu bara a ma, Mari fonde ma ara kimɛ.”

Kɛlɛ-Kurugbɛnu 15:7

Samsin ya a fɔ anu ye ko, “E, wo ara a ma ka le? N ti n fara wo la fɔ n ba ban n tayili sarala wo la feufeu!”