Ɛsita 6:12 - ALLALA KUMƐ

¹² Heman ban kɛ mala, Mɔdekɛyai sɛgira a gbɛ rɔ bolon-don-dɛ la. Kɔnɔ Heman kun-nayiginɛ burimatoe sɛgira a warɛ bɔn la yisi-magboyɛ anubɛ miliyɛ la a bolo.

Ɛsita 6:12 Iomraidhean Croise

2 Samuwɛli 15:30

Mansa Dawuda dimatoe ya Ɔlifi kɔnkɛ yɛlɛ. A salɛ yamatogonnɛ, ado a tonta-rakolɔn ye tagamana ka a yira ko a yisi tinyanɛ. Minnu damasi bilara a fɛ, wo dama kunyɛ yamatogonnɛ wo nya na le.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

1 Mansɛnu 20:43

Hɔnyɛ sigira Mansɛ Ehabu kan la. A sɛgira a warɛ Samariya soe burɔ, yisi-tinya bolo.

1 Mansɛnu 21:4

Mansa Ehabu diminyanɛ sɛgira a warɛ bɔn la ka a tɛgɛ kumɛ wo ma Nebɔti ara min fɔ a ye. A ya a sa ala sofa rɔ ka a ya-lamunun dandan la. A ya a ban fen-dɔn-koe ma yisi-tinya bolo.

1 Mansɛnu 21:6

A ya a fɔ ala musi wo ye ko, “A sɔgɛ ye n na, n ni Nebɔtila dugi san a ma. Ni wo ma, n ni dugu-hakikɛ do di a ma kɔnɔ a ko n ti wo sɔrɔn muk!”

2 Ko-Kɔrɔta-Karan 26:20

Saraka-masɔlɛ wonu ya kirayɛ wo yen a telɛ ma min kɛ, anu kumakɔra kilan bolo. Anu ya a labɔ Bato-Bɔn la tiriya! Ale fanan ya a latiriya bɔla bawo a ara a lɔn ko Mari ara a tɔrɔya.

Ɛsita 2:19

Yanni Ɛsita ni ta musi doinu kurun tɔ, wo ya a taran, mansɛ nyɛrɛ ara sɔ tinɛ di Mɔdekɛyai kɛ ma.

Ɛsita 6:11

Nba, Heman tara mansɛla duruku-ba anubɛ soee bi. A ya duruku-ba don Mɔdekɛyai kan na. A ya Mɔdekɛyai sigi soee la. Ale Heman sɔra a yarɔ ka ta a la soe tɛma. A ye tala a fɔla ko, “Ni a bɛnta, mansɛ ni min gbiliya-belebele-wɛ kɛ, a si a ma a ye ka le.”

Ɛsita 7:8

Ɛsita sanɛ sigi-fen-yan kuma kan min anuna fen dɔn tinɛ, ale Heman tara a sa a kian kuma nyɔ a madiya tinɛ. Mansɛ don bɔn la, a ya Heman sanɛ taran ala musi Ɛsita kian kuma. Mansɛ ya a fɔ a kulu-mayɛlɛnɛ la ko, “Wo ni wo yɛ lana, a sɔgɛ ye kei kɛ la ka a sa nna musi fɛ n nyɛrɛta bɔn la n yala?” Mansɛ ban wo fɔla, a makandannɛnu ya ale Heman yɛ lakiri ka a yira ko aletɛ ara ban.

Yobu 20:5

ado wati-kundu-ni de karagbɛlɛta sewɛ la.

Yobu 9:24

Alla ya duninya dantɛgɛ karagbɛlɛnu ma. A ya a ma, kiti-tɛgɛlɛ bɛɛ fiyonyara tɛrr! Wo rɔ, ni Alla ma wo ma, yon ya wo ma nun worɔ?

1 Samuwɛli 3:15

Samuwɛli kira sani kudu, ha banda kara. A ya a lasɔ ka Marita Fani-Bɔn bonda-dɛ laka. Kɔnɔ a kilanta ala ko-rayirɛ wo rakaranna Ilayi ye.