Ɛsita 6:1 - ALLALA KUMƐ

¹ Suyi wo nyɛrɛ rɔ, mansɛ ma a sa a yɛ ma. Woletɔ a ya nyamanɛ ko-kɔrɔta-karan-buku makele alako anu ni wo karan a ye.

Ɛsita 6:1 Iomraidhean Croise

Ko-Dabirɛnu 22:14

Iburayima ya kan-tinɛ wo tɔgɔ sa “Mɔgɔ Mako-Nyinya-Tinɛ Mari Bolo,” ado ha bi, mɔgɛnu bi a fɔla kɔnkɛ wo ma ko, “Mari si mɔgɛ makoe nyinya ata kɔnkɛ kɛ le kuma.”

Ɛsita 10:2

A ya koe min bɛɛsi ladan anubɛ a ya Mɔdekɛyaila sɔ tinɛ mayɛlɛ nya min, wo bɛɛ sɛbɛra Pasiya anubɛ Midiya mansaya-buku rɔ.

Ɛsita 2:21

Mɔdekɛyai ye ala mɔgɔ-bayɛ la wati min mansɛ warɛ, mansɛla bonda-da-makandanna fila ye nyɔ, Bigitan anubɛ Tirɛsa, wonu ya yanfɛ don mansɛ Sakasi ma. Anu ko anu ni a faga.

Ɛsita 2:22

Mɔdekɛyai ya kalasɔrɔn wo ma tumɛ min, a tara wo fɔ a dɔgɔ ye, mansɛla musi Ɛsita, kɔni. Ɛsita fanan tara Mɔdekɛyai kan kɛ rakaran ala kei Mansa Sakasi ye.

Ɛsita 2:23

Anu ya kumɛ wo fɛ-bira wati min, a mara tonyɛ la, anu ya yili sɔ mɔgɔ filɛ wonu kan la ka anu dun. Mansɛ fanan ya a fɔ ko ko sifa min bara ma kɛ la, anu ni wo sɛbɛ anuna nyamani-buku rɔ.

Ɛsita 5:8

“N tigi, ni n bara-koe ya i hɛnɛ, ado n di i ye, n bi dɔn-fan min tabɛnna, wobɛ Heman ni na wo dɔn yan tɔ sina. N bi nyinina min ma, n ni na to wo fɔla i ye.”

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Daniyɛli 2:1

Mansa Nɛbukanasala mansayɛ san fila nyɔgɛ ma, a tora kiyo-makilannɛ sala. Kiyo wo tora a tɔrɔla ha, a ti ke kinɔgɔla.

Daniyɛli 6:18

Mansɛ wo sɛgira a warɛ bɔn la. A kira kudu, a ma kinɔgɔ, ado a ma fen dɔn ka a nyɛrɛ ladiya.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?