Ɛsita 5:2 - ALLALA KUMƐ

² Mansɛla musi Ɛsita yen Mansa Sakasi bolo, a wara-koe diyara a ye. A ya ala sɛnɛ-kɔlɔma telen a la alako ka a yira ko a ma ko tinya. Ɛsita fanan tara a bole tugu sɛnɛ-kɔlɔma wo sungban la.

Ɛsita 5:2 Iomraidhean Croise

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Ɛsita 2:9

Ale Ɛsita wara-koe ya Hɛgayi hɛnɛ. Tiriyante wo rɔ, a donta Ɛsita mamunyɛ rɔ ka dɔn-fen-hakikɛ di a ma alako ala kinyɛ ni bɔ gbɛ rɔ. A ya sunkurun mɔgɔ wɔrɔnfila yabɔ ka wonu ma ala bonna-wɔli-kɛlɛnu na. A ya kan-tina-hakikɛ di anubɛ ala bonna-wɔli-kɛlɛnu ma min tenbira sunkurɔn doinutɛ la.

Ɛsita 4:11

“Kei wo, musu wo, ni min tara a labɔ mansɛ ma, a ma min kele, anu si wo tigi faga. Ka a bi mansa-makawandilɛnu ma ha ka yigi, bɛɛ ya sereya wo lɔn. Kɔnɔ ko kelen de ye sereya kɛ ma, ni mansɛ ya ala sɛnɛ-kɔlɔma telen min na, mɔgɛ wo ara kanan. Kɔnɔ a ara karɛ kelen bɔ, mansɛ ma n kele.”

Ɛsita 8:4

Mansɛ ya ala sɛnɛ-kɔlɔma telen ale Ɛsita la. Ɛsita ya a lasɔ. A ya a fɔ mansɛ ye ko,

Yaburi 116:1

Mari keninɛ n bolo bawo a ye a wɔlɔ matɔlɔla nta madiyali-kan la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.