Ɛsita 4:8 - ALLALA KUMƐ

⁸ Yahudiyanu faga-koe min sɛbɛnɛ Susa soe burɔ, Mɔdekɛyai ya wo do don a bolo ko a ni ta a to Ɛsita ma. A ya a fɔ wo ye ko a ni ta a fɔ Ɛsita ye ko Ɛsita ni ta ala kei Mansa Sakasi madiya alako a ni kinikini ale Ɛsitata mɔgɛnu ma.

Ɛsita 4:8 Iomraidhean Croise

Ɛsita 2:20

Ɛsita ma sɔn mɔgɔ ni a sibole anubɛ a na-kelen-nyɔgɛnu lɔn iko Mɔdekɛyai ya a fɔ a ye nya min. Hali mansɛla bara-musi le a la gbɛ, Mɔdekɛyai ya fenfen fɔ a ye, a ti wo tinya iko a ye a mala nya min nun wo tumɛ wo ye a makolola.

Ɛsita 4:9

Hetaki tara a dantɛgɛ Ɛsita ye.

Ɛsita 8:6

Ni anu si na nna mɔgɛ bɛɛ lato le, ha n kebilɛ bɛɛ kunyɛ ni to-a-rɔ, n si ke n muinna kasara-su kɛ kɔrɔ kama?”

Yobu 9:15

Hali tonyɛ ye n bolo, n ti a manyinika fɔ n ba a madiya le alako a ni kiti bɔ n kuma.

Yaburi 122:6

Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Makawandili Kumɛnu 10:4

Ni ila kun-tigi-fonde bɔra i kan ma, i ni a bira-i-rɔ. Nyɛrɛ-birɛ wo si a ma, ila ko-tinyanɛ wo bɔrɔ ni bɔ kun-tigi wo ye.

Kɛwɔlɛnu 12:20

Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.