Ɛsita 4:3 - ALLALA KUMƐ

³ Mansɛla kɛdi wo ara ke nyamanɛ wo tonke min bɛɛ rɔ, Yahudiyanu worondora kan tinɛ wo bɛɛ rɔ. Anu dira ka sunyɛ don. Anu siyaman ya kasa-kurɛ kɛ anu ma ka anu sa ta-gbangban rɔ.

Ɛsita 4:3 Iomraidhean Croise

Ɛsita 1:1

Pasiya nyamani-tigi min tɔgɛ Sakasi, wo siginɛ Susa soe burɔ. Nyamani-kun kɛmɛ ani nyamani-kun mogan-ni-wɔrɔnfila le ye a kɔrɔ (127). Ka a dabira Yindiya nyamanɛ ma ha ka a sigi Sudan nyamanɛ la, ala nyamanɛ le wo bɛɛ la.

Ɛsita 3:12

San wo karɛ fɔlɛ, a tele tan-ni-sawa nyɔgɛ ma, Heman ya mansɛla kɛdi-sɛbɛlɛnu kundɛn. A ya sereya do latenbi anu ma alako anu ni a sɛbɛ bɛɛta kan rɔ iko bɛɛta kan si sɛbɛ nya min. Anu ba ban a sɛbɛla, anu ni a don kun-tiginu anubɛ mɔgɔ-ba-malɔnnɛnu bolo nyamanɛ wo tonke bɛɛ rɔ. Anu ya wonu sɛbɛ mansɛ tɔgɔ rɔ. Anu ya mansɛla dɛɛn-kɔlɔnɛ wo bi ka wo mandan sa kɛdi wonu ma.

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Ɛsita 4:2

A nara worondola ha mansɛla tenbi-bolɔn la. A ma don bolɔn burɔ bawo ni kasa-kurɛ ye mɔgɛ min ma, wo ti don nyɔ.

Ɛsita 4:4

Kei anubɛ musi minnu bi wɔlila Ɛsita ye, wonu tara a fɔ ale Ɛsita ye ko kasa-kurɛ donnɛ Mɔdekɛyai kan na. Wo ya a yisi tinya. A ya kurɛ donu nata Mɔdekɛyai ye alako a ni kasa-kurɛ wo bɔ a kan na kɔnɔ Mɔdekɛyai ma sɔn kurɛ wonu na.

Ɛsita 9:31

Ale nyɛrɛ ya a fɔ kɛdi wo rɔ ko anu denubɛ anu kegeyɛnu si tele-fila-tɔn kɛ ma anuna namunyɛ la iko anu si sun-don-telenu anubɛ diyi-kɛ-telenu bira nya min. Ɛsita anubɛ Mɔdekɛyai kan bɛnta ko kelen ma.

Yobu 2:8

Yobu ya bɔnku-daga-gbɛnkian bi ka to ala sumunɛnu mawɔrɔla wo la. Wo ya a taran, Yobu siginɛ sundu-kunyɛ ma.

Aiseya 22:12

Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Aiseya 22:4

Wo ni nde, Aiseya kelan to, woletɔ n si di biribiri nna mɔgɛnuna ko la minnu bara faga nun kɔrɔma la. Hali wo ma n madiya.

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Isikiyɛli 27:30

Anu bi dila ale Taya soela ko la biribiri! Anu bi gbangban kɛla anu kunyɛ rɔ ka anu sa bugurɛ rɔ di-kɛ-tinɛ.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Yona 3:6

Ninɛfa mansɛ ya wo lamɔɛn min kɛ, a ya a lakɔɛnma ala mansaya-waganɛ rɔ ka ala mansaya-duruki bɔ a kan na ka kasa-kurɛ kɛ a kan ma. A ya a sigi bugurɛ rɔ.

Matiyu 13:42

Anu si anu nakɛ ta-feremɛ rɔ, anu si to dila kan min ka anu nyin masɔgɔ dumɛ bolo.

Matiyu 22:13

Mansɛ ya a fɔ ala wɔli-kɛlɛnu ye ko, ‘Wo ni a bole anubɛ a kian lakiri ka a lakɛ pinpi rɔ pon! Mɔgɛnu si di ka anu nyin masɔgɔ dumɛ rɔ kan min.’ ”

Matiyu 25:30

Nba, wo ni wɔli-kɛla-fufafuyi kɛ lakɛ pinpi rɔ pon! Mɔgɛnu si di nyɔ ka anu nyin masɔgɔ dumɛ bolo.’

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

1 Samuwɛli 11:4

Anuna kilayɛ kera Kibiya soe burɔ Mansa Sɔli ye kan min. Anu ya nimisa-koe wo rakaran anu ye min kɛ, mɔgɔ damasi donta diyi-kɛ rɔ.