Ɛsita 4:16 - ALLALA KUMƐ

¹⁶ “Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Ɛsita 4:16 Iomraidhean Croise

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 43:14

Alamɛ Alla Sɛnbɛ-Bɛɛ-Tigi ya a ma, wola kinikinɛ ni don mansɛla kandɛ wo rɔ alako a ni wo na-kelen-nyɔgɛ doi wo boloka ka anubɛ Bɛnyamɛ lasɛgi n ma. Ni Alla ko n bi foola le nna dan kɛnu na, a fɛrɛ sa fɔ n ba foo anu na!”

2 Samuwɛli 10:12

Wo ni wo yisi gbɛlɛya ka wo kerinteya. Ma ni kɛlɛ kɛ mala nyamanita-mɔgɛnu ye anubɛ mata Alla halala soenuna ko la. Alamɛ Mari sako kɛra!”

2 Mansɛnu 7:4

Ni ma tara soe burɔ, fɔ ma wa faga kɔnkɛ bolo, ado ni ma tora yan fanan, fɔ ma wa faga. Min fisa, ma ta Siriyanuna dagɛ rɔ ka ma nyɛrɛ di anu ma. Tumado, ma kunyɛ si bɔ-a-rɔ, ma kɛndɛ si to. Kɔnɔ ni ma kunyɛ tora-a-rɔ, ale le wo la fanan.”

2 Ko-Kɔrɔta-Karan 20:3

Mansa Yɛhosafati kilanta ha a ya Mari matara ko a ni hɛnkili di a ma. A ya a fɔ ata nyamanita-mɔgɛ bɛɛ ye ko anu ni sunyɛ don.

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Ɛsita 4:15

Kumɛ kɛ lamɔɛn Ɛsita bolo, Ɛsita fanan ya a sara Mɔdekɛyai wara tun, a ko,

Ɛsita 4:17

Mɔdekɛyai tara a ma iko Ɛsita ya a fɔ a ye nya min.

Ɛsita 4:3

Mansɛla kɛdi wo ara ke nyamanɛ wo tonke min bɛɛ rɔ, Yahudiyanu worondora kan tinɛ wo bɛɛ rɔ. Anu dira ka sunyɛ don. Anu siyaman ya kasa-kurɛ kɛ anu ma ka anu sa ta-gbangban rɔ.

Ɛsita 5:1

Anuna sun-don-tele sawɛ da-fara lunyɛ min, Ɛsita ya a layɛlɛ ala musu-mansaya-mirannu tɔ. A tara a sɔ kata burɔ bolon-don-dɛ la mansɛ si a ragbɛ kan min. Wo ya a taran, ala kei Mansa Sakasi siginɛ ala mansaya-waganɛ rɔ bolɔn burɔ. A yɛ lamununnɛ bolon-don-dɛ wo la.

Ɛsita 9:31

Ale nyɛrɛ ya a fɔ kɛdi wo rɔ ko anu denubɛ anu kegeyɛnu si tele-fila-tɔn kɛ ma anuna namunyɛ la iko anu si sun-don-telenu anubɛ diyi-kɛ-telenu bira nya min. Ɛsita anubɛ Mɔdekɛyai kan bɛnta ko kelen ma.

Aiseya 22:12

Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Daniyɛli 2:18

A ya a fɔ ko anu ni to Arinyɛnɛ-Tigi Alla matarala alako a ni kinikini anu ma ka ko-dogonnɛ kɛ kɔrɛ lɔn min si a ma, anu denu ti kofu hɛnkilimɛnu ma faga tinɛ.

Matiyu 12:40

Iko Nɛbi Yona ya su sawa anubɛ tele sawa kɛ yɛgɛ-ba burɔ nya min, nde, Hadama-dan si su sawa anubɛ tele sawa kɛ dugu kɔrɔ wo nya na le.

Luka 9:24

Bawo mɔgɛ min bi a fɛ ka a nyɛrɛ niyi lakisi, wo tigi si bɔnɔ a niyi la. Kɔnɔ min bi bɔnɔna a niyi la ndela ko la, wo tigi niyi la si kisi.

Yɔni 19:22

Pailɛti ya anu yabi ko, “N bara min sɛbɛ, wo ti yɛlɛma muk!”

Kɛwɔlɛnu 10:7

Wo kɔma, melika wo tara. Kɔniliyasi ya ala bonna-wɔli-kɛlɛ mɔgɔ fila kele. Ala kɛlɛ-dan min bi a kandanna, a ya wo fanan kele, ado dina-mɔgɛ le wo fanan na.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Kɛwɔlɛnu 27:33

Banda-ka-dɛ ma, Pɔli ya anu dama madiya ko anu ni fen dɔn. A ko, “A tele tan-ni-nani le kɛ la, wo ye makɔnɔni kɛla. Wo ma fenfen dɔn wo wati bɛɛ rɔ.

Kɛwɔlɛnu 9:9

Tele sawa, a ma ke fen yenna. A ma fenfen dɔn hali ka a min wo wati mumɛ bɛɛ kɔrɔ.

Romu 16:4

Anu bara anu niyi fili nde ye. Mabɛ sibolo-gbɛrɛnuna chɔchi bɛɛ ye baraka birala anu ye.

Filipai 2:30

bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

1 Samuwɛli 19:5

A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”