Ɛsita 3:7 - ALLALA KUMƐ

⁷ Ale Mansa Sakasi kɛla mansayɛ san tan-ni-fila nyɔgɛ, a karɛ fɔlɛ ma min tɔgɛ Nisan, Heman ya korɔn lakɛ wati wo le ma. A ya wo ma alako a ni Yahudiya kɛnu nato-tele anubɛ a karɛ lɔn. San wo, a karɛ tan-ni-fila nyɔgɛ ma min tɔgɛ Adari, korɔn diyara wo tele tan-ni-sawa nyɔgɛ le ma.

Ɛsita 3:7 Iomraidhean Croise

Ɛsira 4:6

Sakasi manɛ mansɛ la Pasiya nyamanɛ rɔ, Isirɛla yoge minnu bi anuna foolɛ rɔ, wonu ya kɛdi sɛbɛ Mansa Sakasi ma. Anu ya wo sɛbɛ Isirɛla mɔgɛnu kan ma minnu siginɛ Yuda nyamanɛ anubɛ Yerusalɛm soe burɔ.

Ɛsira 6:15

Mansa Dariyasila mansayɛ san wɔrɔ nyɔgɛ ma, karɛ min tɔgɛ Adari wo tele sawa nyɔgɛ ma, anu ya Bato-Bɔn wo laban.

Nihɛmaya 2:1

Karɛ nani tenbinɛ kɛ kɔma, karɛ min tɔgɛ Nisan, lunyɛ do, Mansa Atasakasi ye fen dɔn kun na, n nara ala baan la a ma. Kɔnɔ bawo a ma n yisi-magboyanɛ yen bɛ lun-kelen-bɛrɛni,

Ɛsita 1:3

Sakasi kɛ, wola mansayɛ san sawa nyɔgɛ ma, a ya ladiya-belebele kɛ ala nyamanita-mɔgɔ-banu ye. Kɛlɛ-dan minnu bi Pasiya anubɛ Midiya nyamanɛ rɔ, wonu bɛnta ladiyɛ wo rɔ. Mɔgɔ-ba minnu bi nyamanɛ wonu kun na anubɛ a mɔgɔ-ba-malɔnnɛnu, wonu fanan bɛnta a rɔ.

Ɛsita 2:16

Sakasila mansayɛ san wɔrɔnfila nyɔgɛ, karɛ tan ma, anu tara Ɛsita to Mansa Sakasi ma karɛ wo le la. Karɛ wo tɔgɛ le Tibɛti.

Ɛsita 9:1

San wo karɛ tan-ni-filɛ min tɔgɛ Adari, wo tele tan-ni-sawa nyɔgɛ kera. A bɛnta, Yahudiyanu na ni to tele kɛ le ma iko mansɛta tɔn ya a fɔ nya min. Wo tele nyɛrɛ rɔ nun, Yahudiyanu yogenu miri ko anu si anu nato tele wo le ma kɔnɔ tunbi sara a tɛrɛna anu bolo bawo Yahudiyanu ya anu nɔ.

Ɛsita 9:21

Min sanɛ kɛdi wo rɔ, a ko, san wo karɛ tan-ni-fila nyɔgɛ min tɔgɛ Adari wo tele tan-ni-nanɛ anubɛ a tele tan-ni-lolɛ ma, Yahudiya bɛɛ ni wo ma anuna ladiya-tele la san-bo-san

Ɛsita 9:5

Yahudiyanu ya anu yoge bɛɛ nɔ ka anu kasara iko a di anu ye nya min.

Hɛnkilimaya-Kumɛnu 16:33

Mɔgɛ si hɛnkili nyini koron-nakɛ fɛ kɔnɔ a ye koe min nadanna wo la, Mari le ye wo kɔrɛ yirala a la.

Matiyu 27:35

Anu ya a gbangban kɔlɔma ma. Wo kɔma, anu ya korɔn lakɛ ala durukinu tatala-koe ma anu nyɔgɔn tɛma.