Ɛsita 3:4 - ALLALA KUMƐ

⁴ Tele-wo-tele, anu si a makawandi Heman gbiliya-koe ma kɔnɔ a ti sɔn. Ale Mɔdekɛyai ara a fɔ anu ye nun ko, “Bawo Yahudiya le nde la, woletɔ n ti n nyɛnkin a kɔrɔ.” Anu tara wo rakaran Heman ye ka a lɔn ni a si ke a muinna Mɔdekɛyai sɔn kɛ ma.

Ɛsita 3:4 Iomraidhean Croise

Ko-Dabirɛnu 39:10

Hali wo, tele-wo-tele, musi wo tora Yusufu madiyala sɔn-yogoya kɛ-koe la. Kɔnɔ Yusufu ma sɔn a bolo mumɛ!

Ɛsira 1:3

Wole Allata mɔgɛnu, alamɛ Alla tora wo fɛ. Wo ta Yerusalɛm ka Mari Bato-Bɔn sɔ a kurɛ la Isirɛlata Alla ye nyɔ, anu bi Alla min batola Yerusalɛm soe burɔ, kɔni.

Ɛsita 3:3

Mɔgɔ-ba doinu ya ale Mɔdekɛyai manyinika ko, “Nfenna i sa sɔnna mansɛla sereya-sanɛ birala?”

Ɛsita 3:5

Heman ban wo lɔnna ko Mɔdekɛyai ti a nyɛnkin a kɔrɔ mumɛ, a yisi bɔra dɔgɔma-ma-de!

Daniyɛli 3:12

Kɔnɔ Yahudiya donu bi nyɔ, mansɛ nyɛrɛ ara minnu ma kun-tigi la ala nyamanɛ kɛ rɔ, Sadiraki wo, Mɛsaki wo, anubɛ Abɛdinigɔ, kɔni, wonu ma ma tigita kumɛ to a gbɛ rɔ. Anu ti sɔn anu madu-koe ma mansɛla bɛsɛ kɔrɔ i wara min nadan anubɛ a bɛsi-toenu.”

Daniyɛli 6:13

Anu ya a fɔ mansɛ ye tun ko, “Kɛlɛ bɔra mɔgɛ minnu na Yuda nyamanɛ rɔ, wo mɔgɔ kelen bi nyɔ, a sa sɔnna ila tɔn birala, ila kandɛ, Daniyɛli, kɔni. A ye matarali-kɛla a nyɛrɛ ma iko sawa tele la.”

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”