Ɛsita 3:2 - ALLALA KUMƐ

² Mansɛ ya a fɔ ala mɔgɔ-banu ye ko min ba Heman kɛ yen kan-bo-kan, wo ni a nyɛnkin a kɔrɔ ka a gbiliya. Bɛɛ ya a nyɛnkin a kɔrɔ, fɔ Mɔdekɛyai min ma sɔn wo ma-koe ma mumɛ!

Ɛsita 3:2 Iomraidhean Croise

Ko-Dabirɛnu 41:43

A ya mansɛla kandɛya-kirindi don a bolo ka ale Yusufu yira ala nyamanita-mɔgɛnu na. Anu tara kan-bo-kan, anu si a mayon ko, “Wo ni wo nyɛnkin! Wo ni wo nyɛnkin!” Yusufu taranta kun-tigiyɛ la wo nya na le Iyipiti nyamanɛ rɔ.

Ɛsita 2:19

Yanni Ɛsita ni ta musi doinu kurun tɔ, wo ya a taran, mansɛ nyɛrɛ ara sɔ tinɛ di Mɔdekɛyai kɛ ma.

Ɛsita 2:21

Mɔdekɛyai ye ala mɔgɔ-bayɛ la wati min mansɛ warɛ, mansɛla bonda-da-makandanna fila ye nyɔ, Bigitan anubɛ Tirɛsa, wonu ya yanfɛ don mansɛ Sakasi ma. Anu ko anu ni a faga.

Ɛsita 2:5

Kei do ye Susa soe burɔ, Yahudiya le wo la. A tɔgɛ le Mɔdekɛyai. A fa tɔgɛ le Yeya. Wo fanan fa tɔgɛ le Simayi. Simayi fa fanan tɔgɛ le Kisi. Wonu bɔra Bɛnyamɛ bɔnsɔn-mɔgɛnu tɔ.

Ɛsita 3:1

Wati tenbinɛ, Mansa Sakasi ya mɔgɛ do ma ala kandɛ la. Wo tɔgɛ le Heman. Heman kɛ fa tɔgɛ le Hamideta. Ekaki bɔnsɔn-mɔgɛ do le anu denu na.

Ɛsita 3:3

Mɔgɔ-ba doinu ya ale Mɔdekɛyai manyinika ko, “Nfenna i sa sɔnna mansɛla sereya-sanɛ birala?”

Ɛsita 3:5

Heman ban wo lɔnna ko Mɔdekɛyai ti a nyɛnkin a kɔrɔ mumɛ, a yisi bɔra dɔgɔma-ma-de!

Ɛsita 5:9

Heman bɔmatoe Ɛsita warɛ fen dɔn tinɛ, a nyagalennɛ a yisi rɔ bɛrɛkɛ! Kɔnɔ a ya Mɔdekɛyai taran bolon-don-dɛ la min kɛ, wo ma a lasɔ ka a gbiliya, wo ya a ma, Heman yisi bɔra dɔgɔma-ma-de!

Yaburi 15:4

A hayu sa karagbɛlɛnu na, ado mɔgɛ min bi Mari sako kɛla, a si wo le gbiliya. Ale mɔgɔ-nyimɛ wo si a nyɛrɛ diyana-koenu boloka ka ala lanyiri latɔnbagaya hali koe min si na ma a tɔrɔya-koe la.

Bɔ-Koe-Iyipiti 17:14

Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”

Bɔ-Koe-Iyipiti 17:16

A ko, “Bawo Amalɛkinu bara wuli Mari kan ma, a si to anu tɔrɔla tolon!”

Daniyɛli 2:49

Sadiraki wo, Mɛsaki wo, anubɛ Abɛdinigɔ, Daniyɛli ya wonu masigima-kuma fɔ mansɛ ye alako ka wonu ma sigisɔn-mansɛnu na Babilɔn nyamanɛ rɔ. Ale Mansa Nɛbukanasa sɔnta wo ma kɔnɔ a ya Daniyɛli to ata bolɔn la.

Tɔn-Fɔɛ-Fila-Nyɔgɛ 25:19

Wota Mari Alla wa ban wo yogenu kɛlɛla ka wo sigi lanyiri-nyamanɛ rɔ yisi-kimɛ rɔ tumɛ min, wo kana nyina Amalɛkinu kɛlɛ-koe la. Wo ni ta anu kɛlɛ ka anu nato dogbe!”

Filipai 2:10

Woletɔ min bɛɛ ye san-kole rɔ anubɛ dugu-kole kuma anubɛ minnu bi dugu-kole kɔrɔ, wonu si anu nyɛnkin Yisa kɔrɔ ka a gbiliya.

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”