Ɛsita 3:12 - ALLALA KUMƐ

¹² San wo karɛ fɔlɛ, a tele tan-ni-sawa nyɔgɛ ma, Heman ya mansɛla kɛdi-sɛbɛlɛnu kundɛn. A ya sereya do latenbi anu ma alako anu ni a sɛbɛ bɛɛta kan rɔ iko bɛɛta kan si sɛbɛ nya min. Anu ba ban a sɛbɛla, anu ni a don kun-tiginu anubɛ mɔgɔ-ba-malɔnnɛnu bolo nyamanɛ wo tonke bɛɛ rɔ. Anu ya wonu sɛbɛ mansɛ tɔgɔ rɔ. Anu ya mansɛla dɛɛn-kɔlɔnɛ wo bi ka wo mandan sa kɛdi wonu ma.

Ɛsita 3:12 Iomraidhean Croise

1 Mansɛnu 21:8

Ala musi sigira ka kɛdi donu sɛbɛ iko mansɛ. A ya Mansa Ehabu tɔgɛ sa kɛdi wonu tɔ ka ale mansɛta tamasere sa kɛdi wonu ma. A ya kɛdi wonu nata kun-tiginu anubɛ mɔgɔ-ba-sɛbɛnɛnu ma Yɛsɛreli soe burɔ, ale Nebɔti siginɛ kan min.

Ɛsira 8:36

Mansɛ ya kɛdi min don anu bolo, anu tara wo yira Yufereti bɛ tele-yigi waralɛ kun-tiginu anubɛ nyɔ-mɔgɔ-banu na. Wonu dama ya anu dɛnbɛ Bato-Bon-ko-wɔlɛ wo rɔ.

Ɛsita 1:22

Mansɛ ya a ma, tɔn kɛ sɛbɛra bɛɛta kan rɔ iko anu si anuna kannu sɛbɛ nya min. Anu ya a sɛbɛ ko kei bɛɛ ni ma kun-tigi la ala musi kuma bɔn la. Ni kei ya ko-wo-ko latɛgɛ bɔn la, wo kɔrɔ ti bi musi bolo.

Ɛsita 3:11

Mansɛ ban wo mala, a ya a fɔ a ye ko, “Mɔgɔ wonubɛ anu halalɛnu, itɛ le anu na. Min di i ye, i ni wo ma anu na.”

Ɛsita 8:2

Mansɛ ya ala dɛɛn-kɔlɔnɛ min don Heman bolo nun, a ya wo bi ka a latenbi Mɔdekɛyai ma. Mansɛ nyɛrɛta mandan sanɛ dɛɛn-kɔlɔnɛ wo ma. Wo kɔma, Ɛsita ya a kɔrɔ Mɔdekɛyai sigi Heman bolo-fen-tonɛ bɛɛsi kun na.

Ɛsita 9:27

wo le ya a ma, Yahudiyanu ya tele filɛ wonu ma anuta Sulen-Telenu na san-bo-san. Anu denu si wo bira, anu kegeyɛnu si wo bira, min fanan ba yɛlɛma Yahudiya la, wonu si Mɔdekɛyaita tɔn wo bira ka a ma anuna namunyɛ la.

Daniyɛli 3:10

Ile, ma tigi, ara a fɔ nun ko tolonnɛnu ba a kɛ-a-rɔ tumɛ min, a fulu-fɛla wo, a buru-fɛla wo, a bɔlon-fɔla wo, a sɔrɔn-fɔla wo, a bala-fɔla wo, anubɛ a fɔli-fen-toenu, ko mɔgɛ bɛɛsi ni a madu ala bɛsɛ kɔrɔ ka a matɔgɔ.

Daniyɛli 6:12

anu dama tara anu nyɔgɔn fɛ mansɛ wara ka Daniyɛli maburi. Anu ya a fɔ mansɛ wo ye ko, “Ma tigi, i wara tɔn sa nun ka a sɛbɛ. I ko ni mɔgɔ-wo-mɔgɔ ya fenfen matara ile kɔma tele bi-sawɛ kɛ kɔrɔ, i ko i si wo tigi lafili ila yarɛnu kɔrɔ denkɛ rɔ.” Mansɛ wo ya a fɔ ko, “Tonyɛ le. Wo ara ma Midiya anubɛ Pasiya kɛnuta tɔn la, ado a ti yɛlɛma muk!”

Daniyɛli 6:15

Kun-tigi wonu nara tun ale mansɛ wara. Anu ko, “Ma tigi, ile ya a lɔn serr, iko Midiya anubɛ Pasiya kɛnuta tɔn ye nya min, ni mansɛ ya tɔn min sɛbɛ, wo ti yɛlɛma muk!”

Daniyɛli 6:25

Wo kɔma, ale Mansa Dariyasi ya kɛdi sɛbɛ sibole bɛɛ ma ala nyamanɛ rɔ. A ko, “N bara wo dama kɔndɔn. Alamɛ wo damasi sabatira.

Daniyɛli 6:8

Woletɔ mansɛ, i ni tɔn kɛ sa ka a sɛbɛ. Wo si ma Midiya anubɛ Pasiya kɛnuta tɔn do la min ti yɛlɛma muk!”