Ɛsita 2:9 - ALLALA KUMƐ

⁹ Ale Ɛsita wara-koe ya Hɛgayi hɛnɛ. Tiriyante wo rɔ, a donta Ɛsita mamunyɛ rɔ ka dɔn-fen-hakikɛ di a ma alako ala kinyɛ ni bɔ gbɛ rɔ. A ya sunkurun mɔgɔ wɔrɔnfila yabɔ ka wonu ma ala bonna-wɔli-kɛlɛnu na. A ya kan-tina-hakikɛ di anubɛ ala bonna-wɔli-kɛlɛnu ma min tenbira sunkurɔn doinutɛ la.

Ɛsita 2:9 Iomraidhean Croise

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

Ko-Dabirɛnu 39:4

Yusufu wara-koe ya Pɔtifa hɛnɛ woletɔ a ya a ma ala wɔli-kɛla-kun-tigi la. Pɔtifa ya a bolo-fan bɛɛsi latenbi a ma fanan.

1 Mansɛnu 8:50

E, Mari, i yandi, i ni kinikini ila mɔgɔ-murutiyanɛnu ma. I ni a ma, anu yogenu ni anu bira boloko-nyimɛ-kɛ ka kinikini anu ma fanan

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Ɛsita 2:12

Yanni anu ni ta sunkurun-wo-sunkurun la mansɛ yakɔrɔ, anu si to sunkurɔn wo mabɛnna san kelen kɔrɔ iko anuna namunyɛ ye nya min. San wo kɔrɔ, karɛ wɔrɔ, anu bi a mamunna mira-tuli la. A nyɔgɔn karɛ wɔrɔ fanan, anu bi a mamunna bɔlɔsam tuli la. Minta wati wa ban, anu ni ta wo to mansɛ ma.

Ɛsita 2:3

I ni mɔgɔ-ba donu yabɔ ila nyamanɛ kan tinɛ bɛɛ rɔ alako wonu ni anu yɛ lakalan ka na sunkurɔn wonu dantɛgɛ ila musu-makandanna Hɛgayi ma Susa soe kɛ burɔ. Hɛgayi min bi ila musinu makandanna, wo ni to sunkurɔn kɛnu fɛ-birala alako anuna kinyɛ si bɔ gbɛ rɔ nya min.

Ɛsita 5:2

Mansɛla musi Ɛsita yen Mansa Sakasi bolo, a wara-koe diyara a ye. A ya ala sɛnɛ-kɔlɔma telen a la alako ka a yira ko a ma ko tinya. Ɛsita fanan tara a bole tugu sɛnɛ-kɔlɔma wo sungban la.

Yaburi 106:46

A ya a ma, anu tɔrɔyalɛ wonu kinikinita anu ma.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Daniyɛli 1:9

Alla ya a ma, Asipinasi kinikinita Daniyɛli ma ka to a mirila ko-nyimɛ ma a wara la.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.