Ɛsita 2:6 - ALLALA KUMƐ

⁶ Babilɔn mansa Nɛbukanasa ya Yuda mansa Yɛhoyasin anubɛ ala nyamanita-mɔgɛnu bira wati min ka ta anu na Babilɔn nyamanɛ rɔ, Mɔdekɛyai ye anu tɛma nun.

Ɛsita 2:6 Iomraidhean Croise

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Mansɛnu 24:6

Mansa Yahoyakim fagara tumɛ min, ala den Yɛhoyasin sigira a gbɛ rɔ.

2 Ko-Kɔrɔta-Karan 36:20

Minnu tora anu niyi la, anu tara wonu na Babilɔn nyamanɛ rɔ. Wonu kunyɛ ma bɔ yɔɔnyɛ rɔ ha Babilɔn kɛnu mamanɛnu sɔrɔnta. Wo wati le tɔ, Pasiya kɛnu nara Babilɔn nyamanɛ bi.

Yɛrɛmaya 22:24

Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Yɛrɛmaya 22:28

Yɛhoyasin mani de iko bɔnku-daga-kore min nakɛnɛ a rɔ. Mɔgɔ-wo-mɔgɔ mako ti taran a la tun. Nfen bi a mala, Yɛhoyasin anubɛ ala dannu na ye kɛla a rɔ? Nfenna anu na ye kɛla a rɔ sibolo-gbɛrɛnuna nyamanɛ rɔ?

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.