Ɛsita 2:5 - ALLALA KUMƐ

⁵ Kei do ye Susa soe burɔ, Yahudiya le wo la. A tɔgɛ le Mɔdekɛyai. A fa tɔgɛ le Yeya. Wo fanan fa tɔgɛ le Simayi. Simayi fa fanan tɔgɛ le Kisi. Wonu bɔra Bɛnyamɛ bɔnsɔn-mɔgɛnu tɔ.

Ɛsita 2:5 Iomraidhean Croise

2 Samuwɛli 16:5

Mansa Dawuda ke Bahura soe burɔ, Mansa Sɔli na-kelen-nyɔgɛ Kɛra, wola den Simayi bɔra soe ka ta a taran nyɔ. A ye tala Mansa Dawuda mamɔɛnna.

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Mansɛnu 24:15

A tara ale Mansa Yɛhoyasin anubɛ a na anubɛ ala musinu anubɛ ata mɔgɔ-banu anubɛ ata mɔgɔ-ba-tɔgɔlamɛnu na a bolo Babilɔn.

Ɛsita 10:3

Mɔdekɛyai Yahudiya kɛ, ale le manɛ mansɛ wo kan-kɔrɔ-sigilɛ la, ado a di a ta-nyɔgɛ Yahudiyanu ye. Anu ma a wara-koe sa fi fila rɔ. A wɔlita a kin na alako ala mɔgɛnu anubɛ anu kegeyɛnu ni sigi anu diya.

Ɛsita 2:3

I ni mɔgɔ-ba donu yabɔ ila nyamanɛ kan tinɛ bɛɛ rɔ alako wonu ni anu yɛ lakalan ka na sunkurɔn wonu dantɛgɛ ila musu-makandanna Hɛgayi ma Susa soe kɛ burɔ. Hɛgayi min bi ila musinu makandanna, wo ni to sunkurɔn kɛnu fɛ-birala alako anuna kinyɛ si bɔ gbɛ rɔ nya min.

Ɛsita 2:4

Wo kɔma, i ni sunkurɔn kɛnu yabɔ. Min ba ile mansɛ yisi bira, i ni wo ma ila bara-musi la Fasati gbɛ rɔ.” Mansɛ miri ko makawandili-nyimɛ le kɛ la. A ya a ma wo nya.

Ɛsita 5:1

Anuna sun-don-tele sawɛ da-fara lunyɛ min, Ɛsita ya a layɛlɛ ala musu-mansaya-mirannu tɔ. A tara a sɔ kata burɔ bolon-don-dɛ la mansɛ si a ragbɛ kan min. Wo ya a taran, ala kei Mansa Sakasi siginɛ ala mansaya-waganɛ rɔ bolɔn burɔ. A yɛ lamununnɛ bolon-don-dɛ wo la.

1 Samuwɛli 9:1

Kei-malɔnnɛ do ye Bɛnyamɛ bɔnsɔn rɔ, ado fen bi a bolo fanan. A tɔgɛ le Kisa. A fa tɔgɛ le Abayɛli. A benba tɔgɛ le Sirɔri. Sirɔri wo fanan fa tɔgɛ le Bɛkɔrati. Bɛkɔrati wo fanan fa tɔgɛ le Afiya. Afiya kɛ, Bɛnyamɛ kegeyɛ do le ale la.