Ɛsita 2:21 - ALLALA KUMƐ

²¹ Mɔdekɛyai ye ala mɔgɔ-bayɛ la wati min mansɛ warɛ, mansɛla bonda-da-makandanna fila ye nyɔ, Bigitan anubɛ Tirɛsa, wonu ya yanfɛ don mansɛ Sakasi ma. Anu ko anu ni a faga.

Ɛsita 2:21 Iomraidhean Croise

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

1 Mansɛnu 16:9

Mansa Ilala kɛlɛ-den-kunyɛ do ye nyɔ nun min bi ala kirindinu fan kelan kun na. Kɛlɛ-den-kunyɛ wo tɔgɛ le Simiri. Ale Simiri ya yanfɛ rabɛn ale Mansa Ila ma. Mansɛla bonna-wɔli-kɛlɛnuna kun-tigi do ye nyɔ, wo tɔgɛ le Arasa. Wo ya a taran, ale Mansa Ila ye Arasala bɔn la Tirisa soe burɔ. A ara gbɛɛ min furr, ha gbɛɛ ya a bira.

2 Mansɛnu 12:20

Simɛyatila den Yosakari anubɛ Somarila den Yɛhosabadi, wonu ya yanfɛ don Mansa Yohasi ma, ado ata mɔgɔ-ba do le wonu na. Anu ya a faga lɛnbɛn-lɛnbɛnya rakɛnɛ kuma bɔn la tele-bɔɛ wara la. Anu bi kan tinɛ min kelela Sila, wo warata-kilɛ la, bɔn wo sɔnɛ nyɔ le. Anu ya a togon Mansa Dawudata halala-luyi ma Yerusalɛm soe burɔ. Ala den Hamasa sigira a gbɛ rɔ.

2 Mansɛnu 21:23

Mansa Amɔnna mɔgɔ-banu ya yanfɛ rabɛn a ma ka a faga ala bolɔn la.

Ɛsira 4:6

Sakasi manɛ mansɛ la Pasiya nyamanɛ rɔ, Isirɛla yoge minnu bi anuna foolɛ rɔ, wonu ya kɛdi sɛbɛ Mansa Sakasi ma. Anu ya wo sɛbɛ Isirɛla mɔgɛnu kan ma minnu siginɛ Yuda nyamanɛ anubɛ Yerusalɛm soe burɔ.

Ɛsita 2:19

Yanni Ɛsita ni ta musi doinu kurun tɔ, wo ya a taran, mansɛ nyɛrɛ ara sɔ tinɛ di Mɔdekɛyai kɛ ma.

Ɛsita 6:1

Suyi wo nyɛrɛ rɔ, mansɛ ma a sa a yɛ ma. Woletɔ a ya nyamanɛ ko-kɔrɔta-karan-buku makele alako anu ni wo karan a ye.

Ɛsita 6:2

A ya a taran buku wo rɔ ko Bigitan anubɛ Tirɛsa ya gbundu kiri ale mansɛ faga-koe ma, Mɔdekɛyai ya wo labɔ gbɛ rɔ. Mansɛla bonda-da-makandannɛ le wonu mɔgɔ filɛ la nun.

Yaburi 144:10

I ye nɔlɛ dila mansɛnu ma ka nde, ila wɔli-kɛlɛ Dawuda latanka.

Daniyɛli 2:49

Sadiraki wo, Mɛsaki wo, anubɛ Abɛdinigɔ, Daniyɛli ya wonu masigima-kuma fɔ mansɛ ye alako ka wonu ma sigisɔn-mansɛnu na Babilɔn nyamanɛ rɔ. Ale Mansa Nɛbukanasa sɔnta wo ma kɔnɔ a ya Daniyɛli to ata bolɔn la.