Ɛsita 10:2 - ALLALA KUMƐ

² A ya koe min bɛɛsi ladan anubɛ a ya Mɔdekɛyaila sɔ tinɛ mayɛlɛ nya min, wo bɛɛ sɛbɛra Pasiya anubɛ Midiya mansaya-buku rɔ.

Ɛsita 10:2 Iomraidhean Croise

1 Mansɛnu 11:41

Mansa Silamɛni ya koe min bɛɛsi ma ala mansayɛ kɔrɔ anubɛ a ya hɛnkilimaya-koe min bɛɛsi ladan, wonu damasi sɛbɛnɛ Mansa Silamɛnina ko-kɔrɔta-karan kitabu rɔ.

1 Mansɛnu 14:19

Mansa Yɛrabowami ya kɛlɛ kɛ nya min anubɛ a ya koe min bɛɛsi kɛ Isirɛla nyamanɛ rɔ wo tumɛ a ye mansayɛ la, anu ya wo damasi sɛbɛ Isirɛla mansɛnuna buku do rɔ.

1 Mansɛnu 22:39

Ala den Ehasaya sigira a gbɛ rɔ. Mansa Ehabu ya koe min bɛɛsi ma ala mansaya-wati rɔ, anu ya wonu sɛbɛ Isirɛla mansɛnuna buku do rɔ. Hali a ya ala bolɔn rabɛn sogo-ba-nyinnu na nya min anubɛ a ya soenu sɔ nya min, anu ya wo fanan sɛbɛ buku wo rɔ.

Ɛsita 2:23

Anu ya kumɛ wo fɛ-bira wati min, a mara tonyɛ la, anu ya yili sɔ mɔgɔ filɛ wonu kan la ka anu dun. Mansɛ fanan ya a fɔ ko ko sifa min bara ma kɛ la, anu ni wo sɛbɛ anuna nyamani-buku rɔ.

Ɛsita 6:1

Suyi wo nyɛrɛ rɔ, mansɛ ma a sa a yɛ ma. Woletɔ a ya nyamanɛ ko-kɔrɔta-karan-buku makele alako anu ni wo karan a ye.

Ɛsita 8:15

Mɔdekɛyai bɔmatoe mansɛla bɔn la ala mansaya-duruki min bi a kan na, a gbɛmɛ anubɛ a bilolamɛ le. Kura-hakika-finyɛ min tɔgɛ linɛn wo fanan bilanɛ a kan na. Susa so-karantan-mɔgɛ bɛɛsi ya a labɛn sewa-belebele-wɛ la.

Ɛsita 8:2

Mansɛ ya ala dɛɛn-kɔlɔnɛ min don Heman bolo nun, a ya wo bi ka a latenbi Mɔdekɛyai ma. Mansɛ nyɛrɛta mandan sanɛ dɛɛn-kɔlɔnɛ wo ma. Wo kɔma, Ɛsita ya a kɔrɔ Mɔdekɛyai sigi Heman bolo-fen-tonɛ bɛɛsi kun na.

Ɛsita 9:4

Ale Mɔdekɛyai, mɔgɔ-ba le ale la mansɛla bolɔn la, ado a sɛnbɛ ma ye tala kofula. A mankan ye tala nyamanɛ wo tonko nanɛ bɛɛ rɔ.

Yaburi 18:35

E, Mari, i wara n nakanan. I wara n dɛnbɛ woletɔ n bara ma tɔgɔlamɛ la.

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.