Ɛsita 1:4 - ALLALA KUMƐ

⁴ Karɛ wɔrɔ dɛgɛdɛgɛ, a ye anu de-nyinina ka ala fen-tigiyɛ anubɛ ala fanka mayira.

Ɛsita 1:4 Iomraidhean Croise

1 Ko-Kɔrɔta-Karan 29:25

Mari ya a ma, Isirɛla mɔgɛ bɛɛsi kawara Mansa Silamɛni ma. Mari ya a ma fanan, ala mansaya-sɛnbɛ koloyara Isirɛla mansɛ bɛɛtɛ ko minnu bara mansayɛ kɛ fɔlɔ nun.

Ɛsita 1:3

Sakasi kɛ, wola mansayɛ san sawa nyɔgɛ ma, a ya ladiya-belebele kɛ ala nyamanita-mɔgɔ-banu ye. Kɛlɛ-dan minnu bi Pasiya anubɛ Midiya nyamanɛ rɔ, wonu bɛnta ladiyɛ wo rɔ. Mɔgɔ-ba minnu bi nyamanɛ wonu kun na anubɛ a mɔgɔ-ba-malɔnnɛnu, wonu fanan bɛnta a rɔ.

Ɛsita 1:5

Kɛ kanɛ a la, a ya ladiyɛ kɛ Susa kɛnu ye, a keimɛnu, kɔni. A bolo-kolon wo, a fen-tigi wo, a ya wo bɛɛ de-nyini. Anu tora ladiyɛ wo kun na ale mansɛla lu-kɔndɛ rɔ ha lɔgɔkun kelen.

Yobu 40:10

Nba, ni ile si ke wonu mala le, i nyɛrɛ makiri gbiliyɛ anubɛ sɛnbɛ la. Fanka anubɛ bonya bila i kan na.

Yaburi 145:5

Anu si to ila gbiliyɛ anubɛ mansaya-mankan fɔla anu ye. N si to n mirila ila wɔli-makawanɛnu ma.

Yaburi 21:5

Ka a tɛgɛ ila dɛnbɛnɛ ma, a ya gbiliya-belebele sɔrɔn. Ile Mari ya a ma mansa-tɔgɔlamɛ la. A mankan tara wuu!

Yaburi 45:3

Ile mansa-sɛnbɛmɛ, ila faan dun i kawɛ la, ile mansa-makawanɛ min bi ko-makawanɛ kɛla, kɔni.

Yaburi 93:1

Mari le mansɛ la. A makirinɛ mansaya-mirannu tɔ, ado a makawara. Duninya ara balan gben a gbɛ rɔ, ado a la ti maga mumɛ!

Aiseya 39:2

Wonu ke Mansa Hɛsakaya ma, a ya wonu sɛnibɔ. Fen-kolomɛ min bɛɛ lamaranɛ ale Mansa Hɛsakaya bolo, a ya wonu yira sundan wonu na. Sɛnɛ wo, wodi-gbɛ wo, dɔn-fen-ladiya-fan anubɛ fen-suma-diyamɛ wo, anubɛ kɛlɛ-kɛ-miran minnu namaranɛ a bolo wo, a ya wo bɛɛ yira sundan kɛnu na. Fenfen sa ala nyamanɛ wo rɔ a ma min yira sundan wonu na.

Isikiyɛli 28:5

A tora halliya-yilayɛnu kɛla ka tɔnɛ sɔrɔn, ado ala nɔnfulu-tigiyɛ wara a ma wasinte la.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 4:36

“N hɛnkili sɛgira a gbɛ rɔ tumɛ min, Alla ya nta mansayɛ anubɛ nta gbiliyɛ lasɛgi n ma tun. Nna makawandilɛnu anubɛ nna mɔgɔ-banu ya n sɛnibɔ ka nna sɔ tinɛ bɛɛsi lasɛgi n ma tun, ado n ya gbiliyɛ sɔrɔn anu bolo ka tenbi nna mansayɛ fɔlɔtɛ la.

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Matiyu 4:8

Wo kɔma, Setanɛ ya Yisa bi ka ta a la kɔnkɔ-layan-bɛ kuma ka duninya-mansayɛ bɛɛ yira a la anubɛ anuna gbiliyɛ.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”