Ɛsita 1:10 - ALLALA KUMƐ

¹⁰ Ladiyɛ wo tele wɔrɔnfila nyɔgɛ ma, dolo-minyɛ ya mansɛ lasewa. A ya a fɛ-birala tɛgan mɔgɔ wɔrɔnfila kele, Mɛhuman wo, Bisita wo, Habɔna wo, Bigita wo, Abagita wo, Sitari wo, anubɛ Karakasi.

Ɛsita 1:10 Iomraidhean Croise

Ko-Dabirɛnu 43:34

Wɔli-kɛlɛnu ya dɔn-fan min tafara anu tɛma Yusufula tebulu kuma ka a don anu bolo, anu ya Bɛnyamɛtɛ lakoloya kinyama loli ka tenbi a kɔrɔ wonutɛ la iko Yusufu ya a fɔ ala wɔli-kɛlɛ wonu ye nya min. Anu ya fen-dɔn-kɛ ka anu min kolikoli, ha anu fara pen!

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

Ɛsita 1:9

Wati kelan wo le tɔ fanan, mansɛla musi Fasati ye ladiyɛ kɛla bɔn burɔ mansɛla bolɔn la Susa so-burɔ-musinu ye.

Ɛsita 3:15

Kɛ fɔɛ mansɛ fanan bolo, kilayɛnu fanan ya sarakanɛ wo nyɛnsɛn Susa so-karantan burɔ. Anu ya mɔgɛ bɛɛ lalɔn Yahudiyanu nato-koe ma. Kumɛ kɛ ya Susa soe yabasan tumɛ min, wo ya a taran, Mansa Sakasi anubɛ ala kandɛ Heman siginɛ, anu bi fen-minyɛ kun na.

Ɛsita 7:9

A makandanna kelen ye nyɔ min tɔgɛ Habɔna, wo ko, “Min sanɛ wo kuma, ale Heman kɛ ara mɔgɔ dun tinɛ ladan ala bɔn dafɛ nun Mɔdekɛyai tɔgɔ rɔ, Mɔdekɛyai min ya i niyi latanka, kɔni. A ya mɔgɔ dun tinɛ min nadan, ala yanyɛ nunkan-nya bi-sawa ani nunkan-nya wɔrɔ.” Mansɛ ko, “Wo ta ale Heman dun wo la.”

Hɛnkilimaya-Kumɛnu 20:1

Baan-minyɛ si mɔgɛ ma yuwɛ anubɛ sɔnkɔtoe la. Min bi a nyɛrɛ donna wo ko-sufa rɔ, hɛnkilima ma wo tigi la.

Hɛnkilimaya-Kumɛnu 31:4

“Nna den, a ma kin, mansɛnu ni baan min, ado baan-min-sɔgɛ kana anu bira.

Makawandili Kumɛnu 10:19

Dɔn-fan la ye danna alako mɔgɛ ni taran a diya. Minni-fan ye minna sewa-koe le la. Kɔnɔ ni wodi ma, fenfen ti sɔrɔn.

Kɛlɛ-Kurugbɛnu 19:6

Anu kɛmɔgɔ filɛ sigira ka fen-dɔn-kɛ ka anu min. Anu ban, a biran-kei ya a madiya tun, a ko, “I yandi, bi su kelan ki n fɛ yan. N ni i ladiya.”

Ruti 3:7

Bowasi banta fen-dɔn-kɛla ka a kan lakimɛ tumɛ min, a nyagalenta ka ta a sa dɔn-fen-senda-siginɛ dafɛ. A kinɔgɔra tumɛ min, Ruti tara a fɛrɛ ma dɔidɔi! A ya Bowasila birinkan kɔrɔbi ka a rasagan a kian dugu la.