Ɛsita 1:1 - ALLALA KUMƐ

^1-2 Pasiya nyamani-tigi min tɔgɛ Sakasi, wo siginɛ Susa soe burɔ. Nyamani-kun kɛmɛ ani nyamani-kun mogan-ni-wɔrɔnfila le ye a kɔrɔ (127). Ka a dabira Yindiya nyamanɛ ma ha ka a sigi Sudan nyamanɛ la, ala nyamanɛ le wo bɛɛ la.

Ɛsita 1:1 Iomraidhean Croise

Ɛsira 4:6

Sakasi manɛ mansɛ la Pasiya nyamanɛ rɔ, Isirɛla yoge minnu bi anuna foolɛ rɔ, wonu ya kɛdi sɛbɛ Mansa Sakasi ma. Anu ya wo sɛbɛ Isirɛla mɔgɛnu kan ma minnu siginɛ Yuda nyamanɛ anubɛ Yerusalɛm soe burɔ.

Ɛsita 10:1

Mɔgɛ minnu siginɛ kɔgɔ-yi da la wo, minnu siginɛ nyamanɛ tɛma wo, Mansa Sakasi ya wonu nawɔli fɔrɔsɛ la.

Ɛsita 2:3

I ni mɔgɔ-ba donu yabɔ ila nyamanɛ kan tinɛ bɛɛ rɔ alako wonu ni anu yɛ lakalan ka na sunkurɔn wonu dantɛgɛ ila musu-makandanna Hɛgayi ma Susa soe kɛ burɔ. Hɛgayi min bi ila musinu makandanna, wo ni to sunkurɔn kɛnu fɛ-birala alako anuna kinyɛ si bɔ gbɛ rɔ nya min.

Ɛsita 8:9

San wo karɛ sawɛ min tɔgɛ Sifan, wo tele mogan-ni-sawa nyɔgɛ ma, anu ya kɛdi wo sɛbɛ. Mɔdekɛyai ya mansɛla kɛdi-sɛbɛlɛnu kele. A ya a fɔ anu ye ko anu ni a kan sɛbɛ. Anu ni a sɛbɛ Yahudiyanu ma anubɛ mɔgɔ-ba-malɔnnɛnu anubɛ mɔgɔ-ba-toenu ma minnu bi nyamani-kun kɛmɛ, nyamani-kun mogan-ni-wɔrɔnfilɛ wo bɛɛ rɔ ka a dabira Yindiya nyamanɛ ma ha ka a sigi Sudan nyamanɛ la. Anu ya a ma, kɛdi wonu sɛbɛra bɛɛta kan rɔ iko anu si anuna kannu sɛbɛ nya min. Anu ya a sɛbɛ Yahudiyanu fanan ma anuna kan rɔ iko anuna kan si sɛbɛ nya min.

Ɛsita 9:30

A ya kɛdi wonu nata Yahudiyanu ma nyamani-kun kɛmɛ ani nyamani-kun mogan-ni-wɔrɔnfilɛ bɛɛ (127) rɔ. Min sanɛ kɛdi wonu tɔ ko alamɛ wonu ya latankɛ anubɛ yisi-kimɛ sɔrɔn.

Aiseya 18:1

Mɔgɛ kɛnɛna kɔinkian kanbankan lamɔɛnna nyamanɛ do rɔ Sudan bɛnu kɔgɔma.

Aiseya 37:9

Asiriya Mansa Sɛnakaribu ya a lamɔɛn tumɛ min ko Sudan Mansa Teriheka ara na Iyipiti kɛlɛ-dannu na a bolo a kan ma Asiriya nyamanɛ rɔ, ale Sɛnakaribu ya kɛdi sɛbɛ Mansa Hɛsakaya ma Yuda nyamanɛ rɔ.

Daniyɛli 11:2

Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 6:1

Mansa Dariyasi ya kun-tigi mɔgɔ kɛmɛ ani mɔgɔ mogan sigi ata nyamanɛ kun na.

Daniyɛli 9:1

Midiya kɛ Sakasisila den Dariyasila mansayɛ san fɔlɔtɛ Babilɔn nyamanɛ kun na, nde, Daniyɛli ya buku-sɛnimɛnu bi. N ya wonu karan ka n miri Yerusalɛm soe tinya-koe ma san bi-wɔrɔnfila kɔrɔ iko Mari ya a fɔ Nɛbi Yɛrɛmaya ye nya min.