Ɛfɛsa 5:4 - ALLALA KUMƐ

⁴ A ma bɛn, wo ni kuma-yogomɛ anubɛ kuntanya-kumɛ anubɛ kuma-gbondanɛnu fɔ foro-gbesi tinɛ. Yanni wo ni wo ma, wo ni to baraka birala Alla ye tolon!

Ɛfɛsa 5:4 Iomraidhean Croise

Yaburi 33:1

Wole minnu telennɛ, wo ni a lawɔyɔ sewɛ bolo ka a tɛgɛ Mari ara min ma wo ye. Wole minnu bi ala kumɛ birala, wo ni a matɔgɔ.

Yaburi 92:1

E, Mari, ka baraka bira i ye, wo kin dɔgɔma-ma-de! E, Alla Min Bi Fan Bɛɛ Kun Na, a kin ka bɛti bɔ ile le ye.

Hɛnkilimaya-Kumɛnu 12:23

Hɛnkilimɛ ya ko-wo-ko lɔn, a ti a nyɛrɛ matɔgɔ wo rɔ kɔnɔ kuntan si lɔn ata kuntanya-kumɛnu fɛ.

Hɛnkilimaya-Kumɛnu 15:2

Hɛnkilimɛta kumɛ si hɛnkili di mɔgɛnu ma kɔnɔ kuntanya-kumɛ si to tugula kuntan dɛ rɔ.

Makawandili Kumɛnu 10:13

Kun-takolɔn si kumɛ dabira kuntanya-kumɛ le ma kɔnɔ ala ban si ma a bolo yuwaya-kumɛ le ma,

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Yɔni 6:23

Kulɔn donu bi bɔla Taibiriya soe burɔ, Mari ya baraka bira Alla ye kan min nun ka biredi di mɔgɛnu ma, kulɔn wonu sɔra kan tinɛ wo rɔ.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

2 Kɔrɛnti 9:15

Ma ni baraka bira Alla ye ala kɔ-fanla ko la, mɔgɛ ti ke min sanna.

Ɛfɛsa 1:16

n ma fara baraka-birɛ la Alla ye wolela ko la. N hɛnkili tonɛ wo ko nta madiyalɛnu tɔ.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

Kɔlɔsi 3:8

Nba, wo ni koe kɛ bɛɛ boloka kaka, yisi-bɔɛ wo, diminyɛ wo, anubɛ wunduyogoyɛ. Tanama-kumɛ anubɛ kuma-gbondanɛ kana bɔ wo dɛ rɔ mumɛ!

1 Tɛsalonaika 3:9

Nba, kaka ma ye baraka birala Alla ye wolela ko la. Ma ye baraka birala a ye sewɛ wola ko la min bi male rɔ. Ma sɛwanɛ mata Alla yala ka a tɛgɛ wole ma.

1 Tɛsalonaika 5:18

Ni ko-wo-ko mara, wo ni baraka bira Alla ye wati bɛɛ, ado Alla ye nyinina wo le ma. Wo ni to wo mala Kirasiti Yisa rɔ.

Failiman 1:8

I na-kelen-nyɔgɛ le nde la Kirasiti rɔ min kɛ, sɛnbɛ ye n bolo ka a fɔ i ye i si min ma.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

2 Pita 2:7

Mɔgɔ-nyimɛ do siginɛ anu tɛma min tɔgɛ Lɔti. Wo ye anu kɛ-nya-yogomɛ wonu tayenna ka a lamɔɛn tele-wo-tele. A sɔndɔmɛ tɔrɔta anuna tɔn-tinyɛla ko la kati! Woletɔ Alla ya a kisi.

Yude 1:10

Kɔnɔ hali mɔgɛ kɛnu ma min lɔn, anu si wo lafɛya. Min ba na anu kunyɛ rɔ, anu bi wo le mala iko firarɔ-sogenu, ado koe wonu nyɛrɛ le ye anu halakila.

Yude 1:13

Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!