Ɛfɛsa 5:27 - ALLALA KUMƐ

²⁷ Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Ɛfɛsa 5:27 Iomraidhean Croise

Yaburi 45:13

Mansɛla kɔnya-kurɛ ye kata burɔ, ado a kin dɔgɔma-ma-de! Ala duruki bonnɛ sɛnɛ-yesekari la.

Yaburi 87:3

Ile Allata so-kunbɛ, i tole masɔ kabana-ko-kumɛnu na anu bi min fɔla i wara-koe rɔ.

Keninteya-Siginu 4:7

N kɔntɔ-mɔgɛ, i kin dɔgɔma-ma-de, ado fɛɛ-wo-fɛɛ sa i la mumɛ!

Aiseya 62:3

Wole, ata mɔgɛnu si ma Mari kɔɛn rɔ iko mansaya-fula-hakikɛ.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

2 Kɔrɛnti 4:14

ma ya a lɔn ko Alla min ya Mari Yisa lawuli ka bɔ sayɛ rɔ, wo si male fanan nawuli. A si ma lawuli bawo mabɛ Yisa ye kan kelen tɔ. A si ma dama ladɛn ma nyɔgɔn fɛ a yakɔrɔ.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Kɔlɔsi 1:22

Kɔnɔ kaka gbɛ, Alla ara wo ma a diyana-mɔgɛnu na ala danta sayɛ fɛ. A ye a fɛ, a ni na wo la a fa Alla ma, wo sɛninyanɛ de worɔ. Fɛɛ-wo-fɛɛ sa wo la, ado wo ara ma mɔgɔ-magbalanɛ la.

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

2 Pita 3:14

Woletɔ n diyana-mɔgɛnu, wo tenbi tele wo makɔnɔna, wo ni wo se-koe-bɛɛ kɛ ka ma mɔgɔ-sɛnimɛnu na Alla yala ka to yisi-kimɛ rɔ a fɛ dɛɛ!

Yude 1:21

Wo ni to Allala keninteyɛ rɔ. Wo ye ma Mari Yisa, Allata-Mɔgɔ-Yabɔnɛ makɔnɔna alako a ni habadan-nimayɛ di wo ma ala kinikini-wɛ fɛ.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.