Ɛfɛsa 5:19 - ALLALA KUMƐ

¹⁹ Yaburi-kumɛnu ni ma wo kirabɔ-fan la. Wo ni bɛtinu bɔ ka Allata siginu sa Mari ye ka a tanto wo yisi rɔ.

Ɛfɛsa 5:19 Iomraidhean Croise

Yaburi 147:7

Ma ni matɔgɔ-bɛtinu bɔ Mari ye. Ma ni bɔlɔn kɛ a rɔ mata Alla ye.

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Yaburi 86:12

E, nta Mari Alla, n si i matɔgɔ n yisi bɛɛ la. N si to i tɔgɔ-makawanɛ gbiliyala burubukai!

Yaburi 95:2

Ma ni sɔ a yakɔrɔ baraka-birɛ la ma bolo ka tantoli-bɛtinu bɔ a ye sewɛ la.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Matiyu 15:8

Alla ko, ‘Mɔgɛ kɛnu bi a fɔla anu da rɔ ko n di anu ye kɔnɔ n bara-koe sa anu yisi-kunyɛ la!

Matiyu 26:30

Wo kɔma, anu ya bɛti bɔ ka ta Ɔlifi kɔnkɛ kuma.

Kɛwɔlɛnu 16:25

Suyi tɛma, Pɔli anubɛ Sailasi ye Alla matarala ka bɛtinu bɔ a ye, ado yelela-mɔgɔ-toenu tole masɔnɛ anu na.

1 Kɔrɛnti 14:15

N ni nfen ma worɔ? N si Alla madiya n sɔndɔmɛ la kɔnɔ n si Alla madiya fanan n miriya la. N si bɛti bɔ n sɔndɔmɛ la, wo kɔma, n si bɛti bɔ fanan n miriya la.

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Yemesi 5:13

Mɔgɛ donu tɔrɔnɛ wo tɛma, wa? Anu ni Alla matara. Donu sewanɛ, wa? Anu ni tantoli-bɛti bɔ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.