Ɛfɛsa 4:4 - ALLALA KUMƐ

⁴ Bagbu kelen de ma dama la, ado ata Ni-Sɛnimɛ kelen de ma bolo. Alla ara ma kele yigi kelen de ma.

Ɛfɛsa 4:4 Iomraidhean Croise

Yaburi 122:8

Ka a tɛgɛ n na-kelen-nyɔgɛnu anubɛ n diyana-mɔgɛnuna ko ma, n ya a fɔ Yerusalɛm ma ko, “Alamɛ yisi-kimɛ taranta i rɔ!”

Yɛrɛmaya 14:8

Alla, Isirɛla mɔgɛnu yigi le ile la. Isirɛla mɔgɛnu ya yakɔrɔ-mamɔɛ sɔrɔn tuma-wo-tuma, i si anu denkun. Kɔnɔ kaka gbɛ, ile ye sundanyɛ le la nyamanɛ kɛ rɔ. I mani de iko mɔgɛ min bi belenna kila ka tenbi.

Yɛrɛmaya 17:7

Kɔnɔ a ko mɔgɛ min lanɛ ale Mari la, duwɛ ye wo tigi fɛ, ado a yili latɛgɛnɛ Mari ma.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Kɛwɔlɛnu 15:11

Male ara dɛnkɛninya Mari Yisa ma nya min, anu fanan bi wo nya na le. Ma bɛɛ kisinɛ Mari Yisata hinɛ fɛ.”

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

1 Kɔrɛnti 10:17

Hali ma siyayanɛ, ma bɛɛ ara ma bagbu kelen na bawo ma damasi ara biredi-gbu kelen dɔn.

1 Kɔrɛnti 12:20

Kɔnɔ iko a ye nya min, sɔlɔmɔnya-siyaman bi nyɔ kɔnɔ bagbu kelen de!

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Ɛfɛsa 2:16

Kirasiti ya sɔgɔ-labɔɛ ban ma tɛma ala sayɛ fɛ kɔlɔma ma. A ya ma latugun ma nyɔgɔn na ka ma ma kelen na alako a ni na ma la Alla ma.

Ɛfɛsa 2:18

I mara Isirɛla mɔgɛ la wo, i mara sibolo-gbɛrɛ la wo, Kirasiti le si a ma, ma ni sɔ ma Fa Alla yakɔrɔ ata Ni-Sɛnimɛ baraka rɔ.

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Ɛfɛsa 5:30

Ado nfan, bagbu kelen de ma dama la, Kirasiti bagbuyi, kɔni.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

Kɔlɔsi 3:15

Kirasiti ye yisi-kimɛ min dila mɔgɛnu ma, wo ni kun-tigiyɛ kɛ wo yisi rɔ. Alla ara wo ladɛn ka wo ma bagbu kelen na alako wo si yisi-kimɛ kɛ su lɔn nya min. Wo kana ma fisiriwɔlɛnu na.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

1 Timoti 1:1

Nde, Pɔli le ye kɛdi kɛ sɛbɛla, Kirasiti Yisala kilayɛ, kɔni. Ma kisilɛ Alla le ya n sɔ ko n ni wɔlɛ kɛ ma, ado ma yigi sanɛ ale Yisa Kirasiti kuma.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Taita 3:7

Woletɔ ma lanɛ a la ko ma si habadan-nimayɛ sɔrɔn. Yigi wo ye ma bolo bawo ma la ara telen Alla ye Allata hinɛ fɛ.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.