Ɛfɛsa 4:28 - ALLALA KUMƐ

²⁸ Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

Ɛfɛsa 4:28 Iomraidhean Croise

Yobu 34:32

I wara Alla manyinika nun a ni ita fɛɛ yira i la? I wara sɔn i farala ko-yogoma-kɛ la?

Bɔ-Koe-Iyipiti 20:15

“Wo kana kankanyɛ kɛ.

Bɔ-Koe-Iyipiti 20:17

“Mɔgɔ kana a niyi sa a sigi-nyɔgɛ bolo-fan kuma iko bon wo, musu wo, yɔɔn wo, anubɛ kolo-fen.”

Bɔ-Koe-Iyipiti 21:16

“Ni min ya mɔgɛ kankan, ni a ya mɔgɛ wo mayira le wo, ni a tora a bolo le wo, wo ni kankan wo faga.

Hɛnkilimaya-Kumɛnu 13:11

Mɔgɛ ye wodi min sɔrɔnna yanfanteyɛ la, fɔnyɔ le ye sigila wodi wo kɔrɔ. kɔnɔ min bi wodi ladɛnna doni-doninyɛ ma, wola nɔnfuli si siyaya a bolo ka sabati.

Hɛnkilimaya-Kumɛnu 14:23

Wɔli-belebele si tɔnɛ di mɔgɛ ma kɔnɔ kuma-teleka-teleka-fɔɛ si bolo-kolonyɛ lana mɔgɛ ma.

Hɛnkilimaya-Kumɛnu 21:26

Tele-wo-tele, a si to a mirila fan wonu ma kɔnɔ telenbagɛ, wo si ke le fan nila mɔgɛnu ma.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Hɛnkilimaya-Kumɛnu 31:20

A si bolo-kolɔnnu kɔ sewɛ rɔ ka anu dɛnbɛ.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Sakaraya 5:3

Wo kɔma, a ya a fɔ n ye ko dankalɛ sɛbɛnɛ a rɔ min si bui nyamanɛ bɛɛ rɔ. Min sɛbɛnɛ a tɔnkɔn doi rɔ ko minnu si kankanyɛ kɛ, wo bɛɛ la si to nyamanɛ rɔ. Min sɛbɛnɛ a tɔnkɔn doi fanan tɔ ko min bɛɛsi ye foninyɛ fɔla gboroli-kɛ-tinɛ, wonu fanan na si to nyamanɛ rɔ dogbe!

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Luka 3:8

Koe minnu si a yira ko wo ara wo kɛ-nyanu yɛlɛma, wo ni wonu kɛ. Wo kana to a fɔla wo nyɔgɔn tɛma ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye ko hali kuri kɛnu, Alla si ke wonu mala dannu na Iburayima ye!

Yɔni 12:6

Yudasi ma kɛ fɔ bawo a ye hɔnna bolo-kolɔnnu na kɔnɔ bawo kankan le ale la nun, ado ale le ye wodi-bɔrɛ dununa Yisala karan-dannu ye. Nba, a ye do bila wodi wo rɔ nun a nyɛrɛ makoe la.

Yɔni 13:29

Yudasi ye wodi-bɔrɛ marala nun min kɛ, ala karan-dan donu ya anu miri ko Yisa ara a fɔ a ye ko a ni ta dɔn-fan san anu ye ladiyɛla ko la. Ni wo ma, a ara a fɔ a ye ko a ni fan do di bolo-kolɔnnu ma.)

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

1 Kɔrɛnti 4:12

Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 8:2

Hali anu bi tɔrɔyɛ anubɛ bolo-kolonyɛ rɔ, anu sewanɛ ka nilɛ kɛ foninsereyɛ la.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

1 Timoti 6:18

I ni anu makawandi ko anu ni ko-nyimɛ kɛ anuna wodi rɔ. Anu ni ma nɔnfulu-tiginu na anuna kɛwɔli-nyimɛnu tɔ. Anu fanan ni foninsereyɛ kɛ ka mɔgɛnu kɔ.

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.