Ɛfɛsa 4:26 - ALLALA KUMƐ

²⁶ Ni min diminyanɛ mɔgɛ ma, a kana sɔn, ala diminyɛ ni a ladon hakɛ rɔ. A diminyanɛ kana telen gbɛn,

Ɛfɛsa 4:26 Iomraidhean Croise

Yaburi 37:8

I fara yisi-bɔɛ la. I kana hɔn fanan bawo wonu si i don hakɛ rɔ.

Yaburi 4:4

Wo ni yɛrɛyɛrɛn kilan bolo ka fara hakɛ kɛla. Wo sanɛ tenbi suyi rɔ, wo ni wo rade ka wo miri nna kumɛ kɛnu ma sin!

Bɔ-Koe-Iyipiti 11:8

Ila mɔgɔ-banu si na n bara. Anu si anu sa n kɔrɔ n madiya tinɛ alako mabɛ nna mɔgɛnu ni ta. Wo kɔma, ma si ta.” Musa kɔrɔtɔnɛ bɔra mansɛ yakɔrɔ.

Hɛnkilimaya-Kumɛnu 14:29

Ni min si ke a yisi birala, hɛnkilimɛ le wo la. Kɔnɔ mɔgɛ min ti ke a yisi birala, wo ye a yirala ko hɛnkili sa a la.

Hɛnkilimaya-Kumɛnu 19:11

Hɛnkili ye mɔgɛ min na, wo le ye a yisi birala. Min bi a yɛ lagbanna mɔgɔ sɔn-yogomɛ kun na, wo tigi ara gbiliyɛ di a nyɛrɛ ma.

Hɛnkilimaya-Kumɛnu 25:23

Iko fɔnyɔ si bɔ bandɛ la kantɔɛ wara la nya min, nafigi si kɛlɛ-nyɔgɔnyɛ lana wo nya na le.

Makawandili Kumɛnu 7:9

I yisi kana bɔ tiriya bawo kuntan le yisi lakala.

Yilan-Yilan Koe 20:24

“Aruna ti don lanyiri-nyamanɛ wo rɔ. A ye so-sɛgi-kɛla yan de bawo wo murutiyara n ma Sɔnkɔ-Sɔnkɔ Tenke dafɛ.

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Maraka 10:14

Yisa ya wo yen tumɛ min, a diminyara ka a fɔ ala karan-dannu ye ko, “Wo ni sɔn dennɛnu ni na n bara! Wo kana anu mabeli bawo anu denu denuta ye Allala mansayɛ la.

Maraka 3:5

Yisa ya anu dama mafɛlɛn. A diminyara anu ma kɔnɔ a kinikinita anu ma fanan anuna yisi-gbɛlɛyɛla ko la. A ya a fɔ kei wo ye ko, “I ni i bole rasagan.” A ya a bole rasagan nkɛkuna, a kɛndɛyara kelenna!

Tɔn-Fɔɛ-Fila-Nyɔgɛ 24:15

A wa telen wɔlila gbɛn, yanni tele-kolo-wulan ma, a ni a sarɛ sɔrɔn bawo a makoe ye sarɛ wo la. Ni a ma a sarɛ sɔrɔn a tumɛ rɔ, a si wɔli-tigi wo yasere-masa Mari ye. Hakɛ le wo la wɔli-tigi bolo.

Yemesi 1:19

N diyana-mɔgɛnu, wo ni wo hɛnkili to kɛ ko! Mɔgɛ bɛɛ ni a kaliya ko-lamɔɛnna kɔnɔ a kana kuma yona. A kana diminya yona,

Yemesi 1:20

ado mɔgɔta diminyɛ ti Allala telenbagayɛ labɔ gbɛ ma iko a ya a latɛgɛ nya min.

1 Samuwɛli 20:34

Karɛ-Kura-Yen-Tolon tele filɛ wo ma, Yonatan ya a lasɔ yisi-bɔɛ bolo. A bɔra, a ma fenfen dɔn wo rɔ bawo a yisi tinyanta Dawudala ko la anubɛ ka a tɛgɛ a fa darɔ-kan ma ale Dawuda wara la.