Ɛfɛsa 4:16 - ALLALA KUMƐ

¹⁶ Ma bagbuyi bɛɛ latugunnɛ anu nyɔgɔn na iko a bɛnta, a ni ma nya min ale bolo. A sɔlɔmɔnya kelen-kelennamɛ-bɛɛ ye wɔlila iko a bɛnnɛ a ni wɔli nya min. Woletɔ a ye koloyala le ka a nyɛrɛ lasabati keninteyɛ rɔ.

Ɛfɛsa 4:16 Iomraidhean Croise

Yɔni 15:5

“Kɔlɔma-kuri le nde la, a bolɔnnu le wole la. Minnu ba to nde rɔ, nde ye wonu denu tɔ. Wo si gbɔ wɛ kɛ bawo wo ti ke ko-wo-ko kɛla nde kɔma.

Romu 12:4

Ma bagbuyi faranɛ sigi-tina-siyaman na, ado wo bɛɛta wɔlɛ ye a dan na.

1 Kɔrɛnti 10:17

Hali ma siyayanɛ, ma bɛɛ ara ma bagbu kelen na bawo ma damasi ara biredi-gbu kelen dɔn.

1 Kɔrɛnti 13:13

Nba, kɛ sawɛ le tonɛ, dɛnkɛninyɛ wo, yigi wo, anubɛ keninteyɛ kɔnɔ keninteyɛ le kolo kɛ bɛɛ ko.

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Ɛfɛsa 3:7

Alla ara n ma ata wɔli-kɛla-yabɔnɛ la ata sɛnbɛ fɛ. Wɔlɛ wo mara nta sanbɛ la Alla bolo. Ale le ya wo di n ma.

Ɛfɛsa 4:12

A ya kɔ-fan kɛnu di le alako Allala mɔgɛnu-tabɛnnɛ ni taran Allata wɔlɛla ko la. A ya wo ma le alako Kirasitita chɔchi ni sabati.

Ɛfɛsa 4:15

A fisa, ma ni to tonyɛ fɔla ma nyɔgɔn ye keninteyɛ rɔ alako ma ni ma iko Kirasiti min bi ma kunyɛ la.

Filipai 1:9

Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

Kɔlɔsi 2:19

Kirasiti min bi mɔgɛ bɛɛ kunyɛ la, anu tugunni ma wo la. Kirasiti bagbuyi bɛɛ belinɛ Alla baraka le tɔ. A kolo latugun tinɛnu anubɛ a fasɛnu denu bi a mala, ma bagbuyinu ni kiri anu nyɔgɔn na, ado ma bagbuyi ye koloyala iko a di Alla ye, a ni koloya nya min.

Kɔlɔsi 2:2

N ya wo ma le alako bɛɛ ni yisi-latɛgɛ sɔrɔn. Bɛɛ ni ma kelen na keninteyɛ rɔ. Bɛɛ ni lɔnni-kanbalinɛ sɔrɔn duk, woletɔ wo si Allata gbundu-koe lɔn. Kirasiti nyɛrɛ le gbundu-koe wo da-nyin la.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Tɛsalonaika 3:12

Alamɛ Mari ya wola keninteyɛ lakoloya wo nyɔgɔn ye anubɛ mɔgɛ bɛɛ ye dɛɛ! A ni to a lakoloyala iko matɛ koloyanɛ wole wara la nya min.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Yɔni 4:16

Male nyɛrɛ ya keninteyɛ wo lɔn min bi Alla bolo male ye, ado ma lanɛ keninteyɛ wo la gben! Alla le keninteyɛ la. Min tonɛ keninteyɛ rɔ, wo tigi ye Alla rɔ, Alla ye ale fanan tɔ.