Ɛfɛsa 4:14 - ALLALA KUMƐ

¹⁴ Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

Ɛfɛsa 4:14 Iomraidhean Croise

Yaburi 10:9

A ye bolo-kolɔnnu makɔnɔna a dogon tinɛ nyɔ iko yarɛ. A si wonu bira ala yili-lasiginɛ la ka anu sagan tala.

Yaburi 59:3

I ma a yen, anu bi n makɔnɔna n ni-bɔ-koe ma. Wunduyogenu bi anu kundɛnna n kan ma hali n ma ko tinya anu ma.

Aiseya 28:9

Anu bi gbunyala nde, Aiseyata kumɛ kɔrɔ. Anu bi a fɔla ko, “Kei kɛ miri ko a ye yon karan tinɛ? Mɔgɔ-wo-mɔgɔ sa nyinina kɛta kawandili ma. Ala kumɛ kɛ bɛnnɛ denni da-ka-san denu ma.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Matiyu 11:7

Yɔnila karan-dannu sɛgimatoe, Yisa ya Yɔni wara-koe fɔ nyama ye. A ko, “Wo tara Yɔni wara wulɛ rɔ tumɛ min, wo miriya ye nfen yen-koe ma nun? Fɔnyɔ ye kalɛ min namagala nun, ba? Wo dɔrɔn?

Matiyu 24:11

Foninya-nɛbi siyaman si bɔ gbɛ rɔ minnu si mɔgɔ siyaman nasama.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Kɛwɔlɛnu 23:21

Mɔgɔ bi-nani-nyɔgɔn bara anu dato ko ni anu ma ale Pɔli faga, anu ti fen dɔn ka anu min fɔlɔ. Anu tabɛnnɛ kaka ka kɛ-a-ma kilɛ la. Anu bi ile makɔnɔna ka a lɔn ni i ye min fɔla. I yandi, i kana sɔn anu ye.”

1 Kɔrɛnti 12:2

Yanni wo ni dɛnkɛninya Yisa ma tumɛ min, wo le ya a lɔn ko niyi sa bɛsɛ minnu tɔ, wonu ya wo lasama kila-bɛrɛ ma.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Ɛfɛsa 6:11

Alla ye kɛlɛ-kɛ-miran min bɛɛsi dila wo ma, wo ni wo bɛɛsi bi, woletɔ wo sɔnɛ si to Setanɛta halliya-yogomɛnu kuma.

1 Timoti 3:6

A kana ma dɛnkɛninya-mɔgɔ-kurɛ la bawo ni a wasira, Alla si a kiti iko a ya Setanɛ kiti nya min.

2 Timoti 1:15

Iko i ya a lɔn nya min, min bɛɛ ye Esiya nyamanɛ rɔ, wonu bara anu kan-kɔ sɔ n na katarala Faigɛla anubɛ Hɛmogɛnisi ma.

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

Yemesi 1:6

Kɔnɔ wo wa Alla matara tumɛ min, wo ni wola lanayɛ sa a kuma feu! Wo kana sika hali, ado ni min bara sika, wo tigi mani de iko kɔgɔ-yi ye ta-ni-sɛgi kɛla fɔnyɔ bolo nya min.

Yemesi 3:4

Nba, wo ni wo miri yi-kuma-kulɔn ma. Hali a kolo, fɔn-belebele-wɛ si ta a la kɔnɔ mɔgɛ si a kunyɛ latelen lalɛ la kulɔn kolo min ko.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

1 Yɔni 2:26

Minnu bi anu tayala ka wo yanfa, n bi kɛdi kɛ sɛbɛla wonu ma wonuna ko la.

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.