Ɛfɛsa 4:12 - ALLALA KUMƐ

¹² A ya kɔ-fan kɛnu di le alako Allala mɔgɛnu-tabɛnnɛ ni taran Allata wɔlɛla ko la. A ya wo ma le alako Kirasitita chɔchi ni sabati.

Ɛfɛsa 4:12 Iomraidhean Croise

Luka 22:32

Kɔnɔ Saimon, n bara Alla madiya ile ye ko ila dɛnkɛninyɛ kana ban. I wa sɛgi nde ma tumɛ min, i ni i na-kelen-nyɔgɛnu sɛnbɛ don.”

Kɛwɔlɛnu 1:25

a ni to Yudasi gbɛ rɔ kilaya-kɛ-tinɛ, wo yira ma la, ado Yudasi kɛ ya ma boloka ka ta atɛ sɔrɔn.”

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 12:5

A ye wo nya na le fanan male dɛnkɛninya-mɔgɛnu tɛma. Hali ma siya, bagbu kelen de ma la Kirasiti rɔ. Ma dama latugunnɛ bagbu kelan wo la.

Romu 12:7

Ni matɛ le ka mɔgɛnu dɛnbɛ, ma ni wo ma. Ni karan le, ma ni karan kɛ.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

Romu 15:14

N na-kelen-nyɔgɛnu, nde lanɛ a la ko wo fanɛ ko-nyimɛ la, ado wo fanɛ lɔnnɛ bɛɛ la fanan. Tonyɛ le, wo si ke wo nyɔgɔn makawandila.

Romu 15:2

Ma kelen-kelennamɛ-bɛɛ ni ko-nyimɛ kɛ ma na-kelen-nyɔgɛnu ye min si anu hɛnɛ alako anu ni sabati dɛnkɛninyɛ rɔ,

Romu 15:29

N ya a lɔn ko n ba na ke wo wara tumɛ min, n si Kirasitila duwɛ-bɛrɛbɛrɛ latenbi wo ma.

1 Kɔrɛnti 12:27

Nba, Kirasiti bagbuyi le wo dama la. Kirasiti sɔlɔmɔnya do le wo kelen-kelennamɛ bɛɛ la.

1 Kɔrɛnti 12:7

Alla si ata Ni-Sɛnimɛ yira mɔgɔ kelen-kelennamɛ bɛɛ la alako bɛɛ si sabati anu nyɔgɔn fɛ nya min.

1 Kɔrɛnti 14:12

Nba, wole fanan bi wo nya na le. Wo hɔnnɛ Allata Ni-Sɛnimɛta fandɛ fanan na min kɛ, a fisa, wo ni wo raya ka wonu sɔrɔn min si chɔchi dɛnbɛ.

1 Kɔrɛnti 14:14

ado ni n ya Alla matara kan-gbɛrɛ rɔ, n sɔndɔmɛ ye tarali kɛla kɔnɔ n miriya ma wo la.

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

2 Kɔrɛnti 12:19

Tumado, wo ye wo mirila ko ma ye ma rayala wati bɛɛ ka ma nyɛrɛ fɛka wo ye. Ade! Ma ye kumala iko Kirasiti ye a fɛ, ma ni kuma nya min Alla yala. Ma diyana-mɔgɛ le wole la. Ma ye koe min bɛɛ mala, ma ye wo kɛla wo dɛnbɛn-koe le la.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

2 Kɔrɛnti 13:9

Hali male rafaganɛ kɔnɔ ni wole sɛnbɛ kolo, wo le si ma lasewa. Woletɔ ma ye Alla matarala ko fɛɛ-wo-fɛɛ kana taran wo la.

2 Kɔrɛnti 3:8

Ado nfan, gbiliyɛ min bi nala Allata Ni-Sɛnimɛ baraka rɔ, wola koloyɛ si ma kama worɔ?

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 5:18

Wo bɛɛ bɔnɛ Alla le bolo. Kirasiti baraka rɔ, male ma ma a yoge la fɔ ka ma a diyana-mɔgɛ la. A ya wɔlɛ kɛ di ma ma ko ma ni mɔgɛ doinu nana a ma ka wonu fanan ma a diyana-mɔgɛnu na.

2 Kɔrɛnti 6:3

Ma sa a fɛ, mɔgɔ-wo-mɔgɔ ni fɛɛ yen mala wɔlɛ la. Woletɔ ma ye ma rayala ko ma kana kin-natugu-fan sa kilɛ la mɔgɛnu ye.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Ɛfɛsa 1:23

Kirasiti bagbuyi le chɔchi-mɔgɛnu na. Ale le ye chɔchi da fala ado ale Kirasiti nyɛrɛ le ye fan bɛɛ da fala.

Ɛfɛsa 4:16

Ma bagbuyi bɛɛ latugunnɛ anu nyɔgɔn na iko a bɛnta, a ni ma nya min ale bolo. A sɔlɔmɔnya kelen-kelennamɛ-bɛɛ ye wɔlila iko a bɛnnɛ a ni wɔli nya min. Woletɔ a ye koloyala le ka a nyɛrɛ lasabati keninteyɛ rɔ.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Ɛfɛsa 4:4

Bagbu kelen de ma dama la, ado ata Ni-Sɛnimɛ kelen de ma bolo. Alla ara ma kele yigi kelen de ma.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

Kɔlɔsi 4:17

Wo ni a fɔ Akipasi ye ko a ara wɔlɛ min sɔrɔn Mari bolo, a ni wo ban de!

1 Timoti 1:12

N bi baraka birala ma Mari Yisa, Allata-Mɔgɔ-Yabɔnɛ ye min bara sɛnbɛ di n ma ata wɔlɛla ko la. N bi baraka birala a ye bawo a ara a miri nde ma ko n bɛnnɛ ka ata wɔlɛ kɛ katarala a ara n sɔ ata wɔlɛ kɛ min na.

2 Timoti 4:11

Luka kelen pe le ye n fɛ yan. I tenbi nala, i ni na Maraka la i bolo bawo a si ke n dɛnbɛna wɔlɛ la.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Hiburunu 6:1

Nba, ma ni ta yarɔ kinanuta karan rɔ. Ma ya minnu fɔlɔn karan Kirasiti wara-koe rɔ, ma kana to sɛgila wonu ma. Ma ara ban wo karanna nun alako wo ni wo kan-kɔ sɔ ko-yogomɛ la nya min. Ma ko wo ni to lala Alla la. A ma bɛn, ma ni to kumala wonuna ko la wati bɛɛ.