Ɛfɛsa 3:8 - ALLALA KUMƐ

⁸ Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Ɛfɛsa 3:8 Iomraidhean Croise

1 Ko-Kɔrɔta-Karan 17:16

Mansa Dawuda tara Marita Fani-Bɔn la. A ya a mayigi dugi ma nyɔ Mari yala ka a madiya ko, “E, Mari Alla, i wara ko-nyimɛ min bɛɛ kɛ nde ye, a ma bɛn, malebɛ nna denbayɛ ni wo sɔrɔn.

Yaburi 31:19

Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Luka 14:22

A ma mɛ, wɔli-kɛlɛ wo ko, ‘N fa, i ya min fɔ, n bara wo ma kɔnɔ sigi tinɛ donu bara to.’

Yɔni 1:16

A ara ata duwɛ layigi ma bɛɛ kuma ka bɔ ala hina-waranɛ rɔ ka duwɛ kumasa ma ye.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 15:9

Kilayɛ bɛɛ tenbira nde la. A ma bɛn defan ka n kele ko kilayɛ bawo n ya a lagbɛlɛya Allala chɔchi kuma.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

Kalesiya 1:16

A ya a latɛgɛ ko a ni ala dan labɔ gbɛ rɔ n ye. A ko n ni ala kibara-nyima-kawandili bɔ wole sibolo-gbɛrɛnu ye, ado n ma ta mɔgɔ-wo-mɔgɔ wara alako n ni hɛnkili sɔrɔn.

Kalesiya 2:8

Alla wɔlita nde rɔ ka ala kilayɛ lake sibolo-gbɛrɛnu ma iko Pita ya ala kilayɛ lake Yahudiyanu ma nya min.

Ɛfɛsa 2:7

Alla ya a latɛgɛ wo nya na le alako a ni ala hina-waranɛ labɔ gbɛ ma, ado a ya hinɛ wo yira ma la Yisa Kirasiti le tɔ.

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Ɛfɛsa 3:16

N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Ɛfɛsa 3:2

Wo ara a lamɔɛn nun ko Alla ara wɔlɛ kɛ don nde bolo alako wole fanan ni tɔnɛ sɔrɔn a rɔ, wo ma? A ya wo ma bawo wo di a ye.

Filipai 2:3

Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

Filipai 4:19

Nba, nta Alla si wo makoe bɛɛ nyinya iko ala nɔnfulu-waranɛ ye nya min Kirasiti Yisa rɔ.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

1 Timoti 1:13

N bara kuma-yogomɛ fɔ Alla ma nun ka ala mɔgɛnu kɛlɛ hali ka wunduyogoyɛ sigi anu na. Kɔnɔ Alla kinikinita n ma bawo n ya wo bɛɛ kɛ dɛnkɛninyabɛlitayɛ le tɔ. N bi min kɛla nun, n ma wo lɔn.

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

1 Timoti 2:7

Wo le ya a to, Alla ya n ma kilayɛ anubɛ karan-mɔgɔ la. A ko n ni sibolo-gbɛrɛnu karan dɛnkɛninyɛ anubɛ tonya-koe ma. N sa foninya fɔla wo ye. N bi tonyɛ le fɔla serr!

2 Timoti 1:11

Alla ara n yabɔ ka n ma kilayɛ anubɛ karan-mɔgɔ la kibara-nyimɛ lake-koe la.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.