Ɛfɛsa 3:5 - ALLALA KUMƐ

⁵ Gbundu-koe kɛ ma fɔ wɛ hadama-dan ye nun fɔlɔ kɔnɔ Alla ara a labɔ gbɛ rɔ kaka ala kilaya-sɛnimɛnu anubɛ nɛbinu ye ata Ni-Sɛnimɛ baraka rɔ.

Ɛfɛsa 3:5 Iomraidhean Croise

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Matiyu 13:17

Wo ni wo hɛnkili to kɛ ko! Wo ye min yenna, a sɔgɛ ye nɛbi siyaman anubɛ Allata mɔgɔ siyaman na nun ka wo yen kati! Kɔnɔ anu ma ke a yenna. Wo ye min namɔɛnna kɛ, anu denu ma ke wo lamɔɛnna.

Matiyu 20:7

“Anu ya a yabi ko, ‘Wɔli sa ma bolo.’ “A ya a fɔ anu ye ko, ‘Nba, wole fanan ni ta nna sɛnɛ rɔ wɔli-kɛ-tinɛ.’

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Luka 10:24

ado n bi tonyɛ fɔla wo ye, wo ye min yenna, a sɔgɛ ye nɛbi siyaman anubɛ mansa siyaman na nun ka wo rayen kɔnɔ anu ma fɛrɛ sɔrɔn ka wonu tayen. Wo ara min namɔɛn, anu bi a fɛ ka wo lamɔɛn nun kɔnɔ anu denu ma ke wo lamɔɛnna.”

Luka 11:49

Wola ko la, Alla anubɛ ala hɛnkilimayɛ ko a si nɛbinu anubɛ kilayɛnu sɔ wo benbanu bara. Anu si donu faga anu tɔ ka donu bɛnsɛnkɔninya.

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.

Kɛwɔlɛnu 10:28

A ya a fɔ anu ye ko ala Yahudiya-dinala ko la, a kana sibolo-gbɛrɛnu kɔndɔn, ado a kana ta-nyɔgɔnyɛ kɛ anu fɛ. Kɔnɔ Alla ara a yira a la ko a kana a miri mɔgɔ-wo-mɔgɔ ma ko mɔgɔ-sɛninyani ma, a kɔsɔnɛ.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Ɛfɛsa 3:9

Alla min ya fan bɛɛ dan, wo le ya ala gbundu-koe dogon fɔlɔ-mɔgɛnu ma kɔnɔ a ya fɛrɛ di nde ma ko n ni kawandili bɔ alako mɔgɛ bɛɛ ni ata gbundu-koe kɛ nya-yen.

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.

Yude 1:17

Kɔnɔ n diyana-mɔgɛnu, wo ni wo miri de! Ma Mari Yisa, Allata-Mɔgɔ-Yabɔnɛla kilayɛnu ya min fɔ wo ye fɔlɔ, wo ni wo miri wo ma.