Ɛfɛsa 3:18 - ALLALA KUMƐ

¹⁸ Alamɛ wole sibolo-gbɛrɛnu anubɛ Allata mɔgɔ-toenu ya sɛnbɛ sɔrɔn ka Kirasitita keninteyɛ wara-nya lɔn, ado ala keninteyɛ dan sa.

Ɛfɛsa 3:18 Iomraidhean Croise

2 Ko-Kɔrɔta-Karan 6:41

E, Mari Alla, i lakɔɛnma. Ta i mayigi Bato-Bɔn burɔ ila tɔn-kenkirɛ ye kan min ado wo manɛ ila sɛnbɛ-tamasere la. I si to nyɔ burubukai! Ila saraka-masɔlɛnu bi koe min bɛɛsi mala, ita duwɛ layigi anu kuma wonu tɔ. Ka a tɛgɛ ila ko-nyimɛ ma, alamɛ mɔgɛ bɛɛ sewara.

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 116:15

Ni Marita mɔgɛ do sara, ko-ba le wo la Mari yala.

Yaburi 132:9

Alamɛ ila saraka-masɔlɛnu ya telenbagayɛ bila anu kan na iko duruku-ba-wɛ. Alamɛ ita mɔgɛnu tora a lawɔyɔla sewɛ bolo.

Yaburi 139:6

I ya n lɔn nya min, wo da-rakolo. N ti ke wo nya-yenna.

Yaburi 145:10

Mari, ila fen-nadannɛ bɛɛ si i matɔgɔ. Ila mɔgɛ bɛɛ si baraka bira i ye.

Aiseya 55:9

Iko san-kole anubɛ dugu-kole fɛ-yan anu nyɔgɔn na nya min, a kɛ-nya anubɛ a miriya fɛ-yan wotɛnu na wo nya na le pon!

Sakaraya 14:5

A tɛmɛ wo si ma wunban la. Wunban wo si ma wo buri-kɛ-kilɛ la. Wo si wo buri iko wo benbanu ya a ma nya min dugu-yɛrɛyɛran kɔrɔ Yuda Mansɛ Yusayata wati rɔ. Nta Mari Alla si na ata melika bɛɛ la a bolo.

Yɔni 15:13

Mɔgɔ wa faga a diyana-mɔgɛnuna ko la, keninteyɛ ti koloya wo ko.

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

2 Kɔrɛnti 13:13

Alamɛ Mari Yisa, Allata-Mɔgɔ-Yabɔnɛta hinɛ anubɛ Allata keninteyɛ anubɛ ata Ni-Sɛnimɛta ta-nyɔgɔnyɛ tora wo dama fɛ. Amina!

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Ɛfɛsa 1:15

Nba, wola dɛnkɛninyɛ Mari Yisa ma anubɛ wola keninteyɛ wo nyɔgɔn tɛma, kebi n ya wonu namɔɛn,

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Kɔlɔsi 1:4

Ma ye wo mala bawo wo lara Yisa Kirasiti la nya min anubɛ Allala mɔgɛnu keninɛ wo bolo nya min, ma ara wo lamɔɛn,

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.