Ɛfɛsa 3:10 - ALLALA KUMƐ

¹⁰ A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Ɛfɛsa 3:10 Iomraidhean Croise

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Romu 8:38

ado n ya a lɔn serr, ko fenfen ti ke mabɛ ala keninteyɛ farala. Sayɛ wo, nimayɛ wo, melikanu wo, nyina-yogomɛnu wo, koe minnu bi nyɔ kaka wo, koe minnu bi nala yarɔ wo, hali sɛnbɛ-tiginu,

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 2:7

Kɔnɔ n bi hɛnkili min nabɔla, Allala gbundu-ko-hɛnkili le wo la, min dogonnɛ mɔgɛnu ma kɔrɔma la, ado yanni duninya ni dan, Alla ara ban a latɛgɛla nun ko hɛnkili wo si gbiliyɛ lana ma ma.

Ɛfɛsa 1:21

Allata nima-fan bɛɛ, a mara melika la wo, a mara nyina la wo, a mara hadama-den na wo, Kirasiti tenbira wonubɛ anuna kun-tiginu na. Duninya kɛ wo, duninya min bi nala wo, Kirasiti tɔgɛ kolo sɛnbɛ-tigi wo bɛɛ ko.

Ɛfɛsa 1:23

Kirasiti bagbuyi le chɔchi-mɔgɛnu na. Ale le ye chɔchi da fala ado ale Kirasiti nyɛrɛ le ye fan bɛɛ da fala.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Ɛfɛsa 1:8

a ya min nabon ma kuma, kɔni. A ara ban a latɛgɛla Yisa Kirasiti baraka rɔ ata hɛnkili anubɛ ata lɔnnɛ fɛ ko a ni a nyɛrɛta gbundu-koe labɔ gbɛ rɔ ma ye.

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

Kɔlɔsi 1:16

Alla ya fan bɛɛ dan ale le baraka rɔ. Min bi san-kole rɔ wo, min bi dugu-kole kuma wo, fan min si yen wo, min ti yen wo, Allata nima-fan bɛɛ, a mara a melika la wo, a mara a nyina la wo, a mara a hadama-den na wo, Alla ya fan bɛɛ dan ale le baraka rɔ. A ya wonu dan alako wonu ni ma atɛ la.

Kɔlɔsi 2:10

Wo ara nimaya-kanbalinɛ sɔrɔn ale le tɔ. Ale le kolo nyina-kun-tiginu anubɛ sɛnbɛ-tiginu ko.

Kɔlɔsi 2:15

Nyina-kun-tiginuna sɛnbɛ wo, fanka-tiginuna sɛnbɛ wo, Kirasiti ya wo bɛɛ tinya kɔlɔma ma wulɔn le. A ya anu nayarabi ka a lagbɛ ko a ara anu nɔ feu!

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.